د لاسرسي ځای

تازه خبر

د لیبیا په مصراته کې سخته جګړه روانه ده


د لیبیا په مصراتا ښار کې د معمر قذافي پلویو ځواکونو او یاغیانو ترمنځ سخته نښته روانه ده.

یاغیانو د ښار له مرکزه د قذافي ځواکونه بهر ویستلي دي. د یاغیانو او کډوالو په خبره د رژیم ځواکونو د هېواد په غرب کې د برېبر پر غرونو هم د توپونو توغندي ورولي دي.

هلته اېټالیا ویلي دي جنګي الوتکې به یې له برېتانیوي او فرانسوي هغو سره یو ځای شي او پر اهدافو به بریدونه وکړي.

په لومړي ځل د ناټو الوتکو د لیبیا په پلازمېنې طرابلس کې د معمر قذافي پر یوه کمپاونډ برید کړی دی او یوه وداني یې ورانه کړې ده. لیبیايي چارواکو ویلي دا برید د معمر قذافي د وژنې لپاره شوی دی.

د مشال ځانګړې پاڼې

XS
SM
MD
LG