د ننګرهار د رسنیو له دفتره د فبروري په اتمه نېټه په خپره شوې خبرپاڼه کې ویل شوي چې د ملي پولیسو ځانګړو ځواکونو د سره رود ولسوالۍ په څنډو کې د سید کامران په نوم یو تن چې د القاعده شبکې غړی و، نیولی دی.
د افغانستان د کورنیو چارو وزارت لخوا په خپره شوې اعلامیه کې ویل شوي چې نیول شوی کس په ننګرهار کې د القاعده شبکې د جلب و جذب مسوول و او له وسله والو طالبانو سره په ګډه به یې په ننګرهار کې ترهه ګریز پلانونه جوړول.
