امریکا د ولسمشر ډانلډ ټرمپ په حکم له ۱۰۰۰ ډېرو چینايي وګړیو ویزې لغوه کړي دي.
د چین له خوا په هانګ کانګ کې د جمهوریت ځپلو په ردعمل کې ولسمشر ټرمپ د مې پر ۲۹مه اعلان کړی وو چې د هغه چینايي زده کوونکیو او څیړنکارانو ویزې به معطل کوي چې د امریکا لپاره خطر ګڼل کېږي.
د امریکا بهرنیو چارو وزارت یوې ویاندې د سېپټېمبر پر نهمه وویل چې په تیرو دریو میاشتو کې یې له ۱۰۰۰ ډېرو چینايي وګړو ویزې لغوه کړي دي.
په ۲۰۱۸-۱۹ز کال کې په امریکايي پوهنتونونو کې نېږدې ۳۷۰،۰۰۰ چینايي زده کوونکي داخل شوي دي.
د بهرنیو چارو وزارت ویاندې زیاته کړی دوی به د هغه چینايي زده کوونکیو او څیړنکارانو هرکلې کوي چې قانوني وي او د چین کمیونسټ ګوند اهداف پرمخ نه وړي.
چین د جون په میاشت کې ویلي وو چې د امریکا له خوا په چینايي زده کوونکیو د محدودیتونو عملي کولو په کلکه مخالفت کوي او په واشنګټن یې ټینګار کړی وو چې د خپل مینځي همکارۍ د ودې لپاره ګامونه پورته کړي.