د افغانستان بهرنيوو چارو سرپرست وزیر محمد حنیف اتمر د هند ملي امنیت سلاکار، اجيت دوول سره د سولې او اقتصادي راکړې ورکړې په اړه غږېدلی دی.
د افغانستان بهرنيوو چارو وزارت د اپرېل ۲۹مې پر ماخوستن په يوه خبرپاڼه کې وويل چې په دې ټيليفوني خبرو کې دواړو مشرانو د افغان سولې بهیر او د کورونا وایرسه راولاړ شوي بحران په اړه خبرې وکړي.
اتمر له دووال څخه د هغو ۷۵۰۰۰ ټنو غنو او ځينو دوايانو مننه هم کړې چې هند تېره اوونۍ افغانستان ته ولېږل.
