د خيبر پښتونخوا حکومت وياند وايي چې په صوبه کې د کورونا وايرس د مخنيوي لپاره يې د نورو اقداماتو ترڅنګ د مرستې لپاره ځانګړې ټليفون شمېره ۱۷۰۰ هم اعلان کړې چې دا ډول خلک د دې وايرس او له دې سره تړليو چارو په اړه اړين معلومات ترلاسه کړي. د مشال راډيو خبريال ګل اياز له اجمل وزير سره د مارچ په ۲۱مه مرکه کړې او په لومړي سر کې يې ورڅخه پوښتلي چې حکومت د صوبې پر نورو برخو سربېره په قبايلي ضلعو کې کوم ګامونه پورته کړي دي.