د امریکا ولسمشر ډونلډ ټرمپ وايي، که ایران وغواړي نو هغه تیار دی چې د کورونا وایرس په مخنیوي کې ورسره مرسته وکړي.
ټرمپ دا څرګندونې د فبرورۍ پر ۲۹مه، واشنګټن ته نژدې یو کنفرانس ته په وینا کې کړې دي. نوموړي ویلي چې له ایراني ولس سره په دې لړ کې ممکنه مرستو ته چمتو دی.
د نوموړي په وینا ، ایران دې یوازې پر امریکا د مرستې غږ وکړي.
امریکا وايي چې د سویټزرلېنډ په له لارې یې ایران ته د مرستو رسمي وړاندیز کړی دی.
امریکا له ۱۹۸۰م کاله راهيسې له ایران سره سفارتي اړیکې نه لري. سویټزرلېنډ په ایران کې د امریکايي ګټو استازیتوب کوي.
دا په داسې حال کې ده چې په ایران کې د کورونا وایرس له کبله د مړو شمېر ۴۳ ته رسېدلی دی او لږ تر لږه ۵۹۳ کسان په دې وایرس اخته شوي دي.
