د لاسرسي ځای

تازه خبر

خبرونه

'په میدان وردګو کې طالبانو ټول روغتیايي مرکزونه تړلي'

ارشیف،پکتیا کې وسله وال طالبان.

په افغانستان کې د سویډن کميټۍ چارواکي وايي، د میدان وردګو ولایت له نهو ولسوالیو څخه یې په شپږو کې۴۲ کلینیکونه د طالبانو د ګواښ له امله تړل شوي دي.

د دغه کميټې د پروګرامونو مسوول ډاکټر خالد فهیم وايي، له دې امله د میدان وردګو ولایت شپږ زره اوسېدونکي له روغتیايي خدمتونو بې برخې شوي دي.

د افغانستان د عامې روغتیا وزارت ویاند وحیدالله مایار په وردګو کې د ۴۲ صحي مرکزونو تړل کېدل تایید کړي.

د میدان وردګ د مرکزي روغتون مشر ډاکتر محمد نادر نادري مشال راډیو ته وویل چې د ده په شمول ټولو ډاکترانو ته د طالبانو له خوا ګواښونه شوي چې دندې پرېږدي او روغتونونه وتړي.

افغان چارواکي وایي، طالبانو د افغان پوځیانو د هغو عملیاتو په غبرګون دا کار کړی چې په دایمیرداد ولسوالۍ کې یې څو ورځې مخکې تر درملنې لاندې وسله وال طالبان هدف ګرځولي و.

په دې برید کې د ملکیانود مرګ ژوبلې په اړه هم راپورونه ورکړل شوي وو.

د نننۍ ورځې ټول خبرونه وګورئ

یوکراین: پر هوټل د اورلګېدو پېښې ۱۷ کسانو ته مرګ ژوبله اړولې

په  ټوکیو سټار نومې هوټل کې 273 کمرې دي او اور وژونکیو په دریو ګېنټو کې په اور قابو ومونده.

د یوکراین د بیړنۍ ادارې ترمخه د دغه هېواد په جنوبي بندر اوډېسه کې د اګست د ۱۷مې په سهار په یو شخصي هوټل کې د اور لګیدو په پېښه کې اته کسان وژل شوي او لس نور ژوبل شوی دي.

د یوکراین د بیړنۍ ادارې په یو بیان کې ویلي چې ۱۰ کسان د پېښې له ځایه ژغورل شوي دي.

په بیان کې دا نه دي ویل شوي چې د اورګېدو پر مهال په هوټل کې څومره کسان موجود وو. دوی دا هم نه دي ویلي چې د اور لګېدو علت څه وو؟

په ټوکیو سټار نومې هوټل کې 273 کمرې دي او اور وژونکیو په دریو ګېنټو کې په اور قابو ومونده. د پولیسو په وینا د پېښې پلټنې پېل شوي دي.

عمران خان د کشمیر په اړه د سلامتي کونسل د غونډې هرکلی وکړ

د پاکستان وزیراعظم عمران خان

د پاکستان وزیراعظم عمران خان د جمو او کشمیر د لانجې د هوارۍ لپاره د ملګرو ملتونو د سلامتي کونسل د غونډې هرکلی کړی دی.

نوموړي د اګست پر ۱۷مه، په خپله ټویټر پاڼه لیکلي، د جمو او کشمیر په اړه د ملګرو ملتونو د سیکیورټي کونسل د غونډې هرکلی کوي چې پکې په دغه سیمه کې په موجوده حالاتو بحث وشو.

عمران خان لیکلي، دا په تېرو پنځوسو کلونو کې لومړی ځل دی چې د کشمیر مسله په داسې نړیوال فورم کې پورته کړل شوه.

دا له هغې وروسته ده چې د اګست پر ۱۶مه، د ملګرو ملتونو امنیتي کونسل په پاکستان او هند غږ وکړ چې د کشمير په مسله دې له زغمه کار واخلي.

د پاکستان په غوښتنه بلل شوې د امنيتي شورا غونډه د اګست پر ۱۶مه، په نيو يارک کې وشوه.

دا په داسې حال کې ده چې د اګست په پنځمه د هند حکومت د يو صدارتي فرمان له مخې د هند تر واک لاندې د جمو او کشمير ځانګړی اييني حیثيت ختم کړ، او دغه سیمه یې له خپل هېواد سره یو ځای کړه.

زرداري په عدالتي ریمانډ اډیالې جیل ته لېږل شوی

د پاکستان پخوانی ولسمشر اصف علي زرداري

په اسلام اباد کې د احتساب یو عدالت د پیپلز ګوند مشر او پخوانی ولسمشر اصف علي زرداري په عدالتي ریمانډ د اګست تر ۱۹مې نیټې اډیالې جیل ته لیږلی دی.

نوموړی د اګست پر ۱۶مه د احتساب عدالت ته وړاندی کړل شو، چیرته چې حکومتي وکیل له عدالته د زرداري د جسماني ریمانډ غځولو خواست وکړ.

د عدالت له خوا په یوه اعلامیه کې ویل شوي چې د جعلي بانک اکاونټونو په مقدمه کې د اصف علي زرداري عدالتي ریمانډ د اګست تر ۱۹مې نیټې غځول شوي دی.

د اصف علي زرداري لور بختاور بوټو زرداري د اګست پر ۱۶مه په خپله ټویټر پاڼه لیکلي سره د دې چې پلار يې د احتساب قامي ادارې ۶۸ ورځې په خپل تحویل کې وساته او د یو کال ډېره موده ترې پوښتنې وشوې، بیا هم نن د اډیالې زندان ته ولیږل شو.

د اصف علي زرداري خور او د سیند اسمبلۍ غړې فریال تالپور هم د احتساب د ادارې لخوا نیول شوی او د اډیالې په زندان کې ساتل شوې ده.

د کرملېن ماڼۍ په انګړ کې ناچاودی بم موندل شوی

د کرملېن ماڼۍ

د کرېملېن ماڼۍ په انګړ کې د دویمې نړیوالې جګړې له مهاله پاتې یو ناچاودی بم موندل شوی دی.

د روسيې رسنیو له رپورټونو سره سم، دا بم د مسکو سیند ته نېږدې د کرېملېن په تاینیڅکي بڼ کې د تعمیراتي کار پر مهال موندل شوی دی.

چارواکي وايي، بم یې د کرېملېن له ودانۍ ایستلی چې شنډ یې کړي.

د روسیې د ولسمشر ویاند رسنیو ته ډاډ ورکړی چې د دې بم موندل کېدو د ولسمشر د کار مهالوېش نه دی زیانمن کړی.

کرېملېن په اروپا کې د منځنیو پېړیو له ډېرو لرغونو ماڼیو څخه ده چې د ۱۴ او ۱۵ پېړۍ ترمنځ کلونو کې جوړه شوې.

د ایراني ټانکر کارمندان ښايي د ویزې بندیز ولري: امریکا

د ارشیف انځور

امریکا ویلي دي چې په جبل الطارق کې د ایران ټانکر د عملې غړي ښايي د ویزې له بندیز سره مخامخ شي.

دا خبره د امریکا د بهرنیو چارو وزارت ویاندې مورګن اورټاګس بېګا ناوخته تر هغې وروسته وکړه چې د برتانیې تر واک لاندې سیمې جبل الطارق د اګست پر ۱۵مه د ګرېس ۱ په نوم د ایران د تېلو ټانکر خوشې کولو فیصله وکړه او واشنګټن یې د تګ په مخنیوي کې پاتې راغی.

اورټاګس ویلي چې دې بېړۍ د ایران د انقلاب ساتونکي ځواک مرسته کوله چې واشنګټن یې ترهګر سازمان بولي.

د نوموړې په خبره، د بېړۍ خوشې کول ورسره د تړلیو کسانو لپاره جدي پایلې لرلای شي.

هغې زیاته کړه چې د بېړۍ د عملې کسان ښايي امریکا ته د داخلېدو یا د هغه هېواد د ویزې ترلاسه کولو قانوني جواز و نه لري.

دا بېړۍ شاوخوا شپږ اوونۍ مخکې برتانیوي بحري ځواک شام ته د تېلو قاچاق، چې د اروپايي ټولنې د بندیزونو سرغړونه بلل کېږي، په تور ونیوله.

د جبل الطارق اعلا وزیر فبیان پېکاردو د اګست پر ۱۵مه د تهران تر لیکلي ضمانت وروسته د ټانکر د نیولو امر ختم کړ.

ایران نوموړي ته باور ورکړی چې ټانکر به شام ته له دوه میلیونه بیرلو څخه زیات تېل نه ورکوي.

م.م: د ۲۰۱۹ز په اووه میاشتو کې دوه لاکه افغانان بې کوره شوي

په تېرو کلونو کې لسګونه زره افغانان ناامنیو ځپلي، بې کوره کړي

د ملګرو ملتونو د بشري چارو د همغږۍ دفتر (اوچا) ویلي، د روان کال په تېرو اووه میاشتو کې په افغانستان کې دوه لاکه ۱۷ زره خلک د جګړو له وجې خپلو کورونو پرېښودو ته اړ شوي دي.

اوچا د اګست پر ۱۵مه، په یوه بیان کې وویل، د دومره زیاتو خلکو د بې کوره کېدو له وجې د بشري مرستو لویه اړتیا پېښه شوې.

بیان وايي، په بې کوره شویو کې ۵۸ فیصده کسان له ۱۸ کلونو کم عمر لرونکي دي.

د ملګرو ملتونو د بشري چارو د همغږۍ دفتر وايي، په افغانستان کې شاوخوا یو میلیون بې کوره خلک به د روان کال تر پایه مرستو ته ضرورت ولري.

بیان زیاتوي، د روان کال په اووه میاشتو کې په ایران کې د اقتصادي بحران له وجې شاوخوا ۲۷۰،۰۰۰ او له پاکستانه شاوخوا ۱۷،۰۰۰ افغانان وطن ته ستانه شوي.

کشمیر به اوس پرمختګ وکړي: مودي

د هند وزیر اعظم نریندرا مودي.

د هند وزیر اعظم ویلي، د کشمیر ځانګړي حثیت ختمولو سره به د سیمې تاریخي عظمت بیا بحال شي او له دې سره به هېواد پرمختګ وکړي.

د هند د ازادۍ ورځې په مناسبت په وینا کې نریندرا مودي وویل، د کشمیر په ځانګړي حثیت کې اداري فساد، خپلوي-پالنه او بې انصافي زیاته وه.

د هند تر واک لاندې کشمیر کې د اګست له ۱۴مې کرفیو لګول شوی او مواصلاتي نظام پرې کړل شوی دی.

له دې یوه ورځ وروسته حکومت کشمیر ته ورکړل شوی ځانګړی حثیت ختم کړ.

پاکستان د دې پریکړې په غبرګون کې له هند سره تجارتي اړیکې او د دواړو هېوادونو ترمنځ د ټرانسپورټ نظام ځنډولی.

همدا راز اسلام اباد هندی سفیر له هېواده ویستلی دی.

په ننګرهار کې د داعش دوه مهم غړي نیول شوي

ارشیف، دوه تنه نیول شوي جنګیالي

د افغانستان امنیتي چارواکي وايي، د ننګرهار په بټي کوټ ولسوالۍ کې یې د داعش دوه تنه مهم غړي نیولي دي.

د کورنیو چارو وزارت د اګست پر ۱۳مه ناوخته یو بیان کې ویلي، په نیول شویو کسانو کې یو کس عبدالرحمن نومېږي چې په "طلحه" مشهور دی.

د کورنیو چارو وزارت د خبرپاڼې په وینا نوموړي د داعش د وسله‌ والو لپاره د ځانمرګو واسکټونو د جوړولو مسؤلیت درلود او د بټي کوټ اوسېدونکی دی.

د بل نیول شوي کس د هویت په اړه څه نه‌ دي ویل شوي، خو زیاته شوې چې د داعش ډلې له دې دوو مشکوکو غړو سره وسلې او مهمات هم نیول شوي دي.

له تېرو څو کلونو راهیسې د داعش وسله‌ والې ډلې په افغانستان کې د ګڼ شمېر خونړیو بریدونو او چاودنو مسولیت منلی.

د امنیتي ادارو په وینا د داعش د خراسان څانګه د افغانستان په څو ولایتونو کې فعالیت لري، خو د بټي کوټ په شمول د ننګرهار په یو شمېر ولسوالیو کې یې موجودیت او فعالیتونه تر نورو سیمو پراخ او زیات دي.

د پاکستانيو حاجیانو خپل ټاټوبي ته د ستنولو لړۍ ژر پیلېږي

په سعودي عرب کې د حج مراسم.

د پاکستان سرکاري میډیا وایي، په سعودي عرب کې د حج مراسم پای ته تر رسېدو وروسته به روانه اونۍ پېښور او اسلام اباد ته د حاجیانو خپل وطن ته ستنېدل پیل شي.

سږ کال له پاکستانه دوو لکو کسانو د حج په مراسمو کې برخه واخیسته.

بلخوا د افغانستان د حج او اوقافو وزارت وايي، د راروانې جمعې ورځې به له سعودي عربه بیرته خپل وطن ته د افغان حاجیانو د ستنېدو بهیر پیلېږي.

د دې وزارت ویاند ناصر الدین د اګست پر ۱۳مه مشال راډیو ته وویل، افغان حاجیان به د اګست پر ۱۴مه د طواف الوداع وروستي مراسم پر ځای کړي او ټاکل شوې د اختر له شپږمې ورځې څخه یې خپل هېواد ته ستنیدل پیل شي.

سږ کال له افغانستانه د حج په مراسمو کې شاو خوا ۳۰۰۰۰ زره افغانانو برخه اخیستې.

دا اختر دې د افغان جګړې وروستی اختر وي: خلیلزاد

د افغانستان د سولې لپاره د امریکا خاص استازی زلمی خلیلزاد.

د افغانستان سولې لپاره د امریکا ځانګړی استازی زلمی خلیلزاد واشنګټن ته ستون شوی دی.

خلیلزاد په خپله دا خبره د اګست پر ۱۲مه د شپې مهال په ټویټر لیکلې او ویلي یې دي چې د اتم پړاو خبرې بشپړې شوې.

د امریکا او طالبانو خبرې د اګسټ له درېیمې د قطر په پلازمېنه دوحه کې پيل شوې وې او د اګسټ پر ۱۲مه پای ته ورسېدې.

د افغان سولې لپاره د امریکا خاص استازي زلمي خلیلزاد زیاته کړې چې دا خبرې ګټورې وې او دواړو مرکچي پلاویو څو ورځې په تخنیکي جزیاتو تمرکز درلود.

خلیلزاد مخکې د اختر په لومړۍ ورځ ویلي و چې د سولې د یوې تلپاتې او عزتمنې پخلاینې او د یوه خپلواک افغانستان لپاره چې نورو هېوادونو ته ګواښ نه‌ وي نه‌ ستړی کېدونکی کار کوي.

هغه هیله ښودلې وه چې دا اختر دې د افغانستان د جګړې وروستی اختر وي.

طالبانو هم اتم پړاو خبرې ګټورې بللي او ویلي یې دي چې د راتلونکو ګامونو په اړه هر لوری له خپل مشرتابه سره مشورې کوي.

د افغانستان د ولسمشر ویاند صدیق صدیقي تر دې خبرو وروسته مشال راډیو ته وویل ټولې هغه خبرې چې نتیجه‌ یې د جګړې ختم او اوربند وي دوی ته مهمې دي.

کورنیو چارو وزارت د بندیانو د خوشې کولو په اړه د طالبانو ادعا رد کړه

ارشیف، په غزني کې یو شمېر طالب جنګیالي

د افغانستان د کورنیو چارو وزارت د طالبانو هغه ادعا ردوي چې وايي، د افغان ځواکونو ۷۶ اسیر سرتېري یې د اختر په مناسبت خوشې کړي دي.

د کورنیو چارو وزارت په یوه خبرپاڼه کې چې پرون خپره شوه، د طالبانو د هغه بیان یادونه کړې چې د شنبې په ورځ‌یې خپور کړ او په هغه کې یې ویلي، دا سرتېري په کندز، ارزګان، خوست او سرپل ولایتونو کې خوشې شوي دي.

د کورنیو چارو وزارت وايي طالبانو دا بیان د تبلیغاتو په هدف خپور کړی. د دې وزارت خبرپاڼه زیاتوي چې د هېواد له بېلابېلو ولایتونو څخه د دوی د معلوماتو له مخې په تېرو څو ورځو کې د طالبانو له بنده د افغان ځواکونو هېڅ یو سرتېری هم نه‌دی خوشې شوی.

د کورنیو چارو وزارت پر طالبانو غږ کړی چې که یې په دې برخه کې په رښتیا کومه پرېکړه کړې وي او یا غواړي اسیر شوي افغان پوځیان خوشې کړي، نو باید لېست او نومونه‌یې خلکو ته وښيي.

دفاع وزارت: په لوګر کې د طالبانو یو مهم قوماندان ووژل شو

ارشیف. په لوګر کې د افغان ځواکونو عملیات

د افغانستان دفاع وزارت په لوګر ولایت کې د طالبانو د یوه مهم قوماندان د وژل کېدو خبر ورکوي.

د دفاع وزارت ویاند روح‌الله احمدزي تېره شپه ازادي راډیو ته وویل چې د ملا نقیب‌الله په نوم دا قوماندان په پادخواب شانه سیمه کې د افغان ځواکونو په تصفیوي عملیاتو کې وژل شوی.

ښاغلی احمدزی وايي ملا نقیب‌الله د هېواد په کچه په ترورېستي فعالیتونو کې ښکېل و.

ښاغلی احمدزی زیاتوي: "دا هغه شخص و چې نه‌یوازې په لوګر، بلکې په نورو ولایتونو کې یې د حملو په ترسره کولو کې مهم رول درلود او هغه نن زموږ د ځواکونو د عملیاتو په پایله کې ووژل شو."

دفاع وزارت همداراز وايي، افغان ځواکونو د میدان وردګ ولایت په نرخ ولسوالۍ کې د طالبانو یو مهم قوماندان، قاري داوود او د هغه پنځه وسله‌وال وژلي دي.

دفاع وزارت په یوه خبرپاڼه کې چې پرون خپره شوه وايي د طالبانو دا قوماندان پرون مازیګر د نرخ ولسوالۍ په توکرک سیمه کې د هوايي عملیاتو په ترڅ کې وژل شوی دی.

بندیزونو د ایران او جرمني سوداګري کمه کړې

عکس له ارشیفه

راپورونه وايي، د ایران او جرمني ترمنځ د تجارت د کچې ټيټیدل ښکاره کوي چې د ایران پرضد د امریکا بندیزونه د هغو هېوادونو په تجارتي ترجیجاتو اغیز کوي چې غواړي، له تهران سره سوداګري وکړي.

رویټرز اژانس لیکي، د روان کال په لومړیو شپږو میاشتږ کې ایران ته د جرمني برامدات د ۴۸ فیصده ټیټوالي پس ۷۵۹ میلیونو ډالرو ته ټیټ شوي دي.

همدا رنګه د ایران لخوا جرمني ته د مالونو د پلورلو کچه هم ۴۳ فیصده ټیټیدو سره ۱۲۳ میلیونه ډالرو ته کم شوي.

د امریکا تازه بندیزونه له لارې د دریمګړو هېوادونو هغو شرکتونو ته سزا ورکړل کېږي چې له ایران سره تجارتي اړیکې ساتي.

د امریکا ولسمشر ډونلډ ټرمپ تېرکال د ایران او د نړی د طاقتورو هېوادونو ترمنځ په ۲۰۱۵ز کال کې د شوې اټومي تړون څخه ووته.

په دې تړون کې ژمنه شوې وه چې که د تهران اټومي پروګرام پرامنه پاتې شو نو له هغه هېواده به اقتصادي بندیزونه لیري کېږي.

روسیې نورې اټومې وسلې جوړوي

د روس اټومي وسلې.

د روسیې د اټومي ادارې چارواکي د نورو وسلو جوړولو هوډ کړی دی. نوموړي دا ژمنه د اګست پر ۱۲مه د اټومي چارو د پنځو وژل شویو پوهانو په جنازه ه کې وکړه.

دا پوهان د اګست پر اتمه ارخان ګیلسک سیمه کې د بحري ځواک په یو ځای کې په یوه چاودنه کې وژل شوي چې په اړه یې امریکايي پوهان ګمان کوي چې دا د نوي اټومي انجن یوه ناسمه ازموینه وه.

دا پنځه پوهان د ماسکو په ختیځ کې په ساروف ښار کې خاورو ته وسپارل شول.

نیویارک ټایمز ورځپاڼې د اګست پر ۱۲مه د امریکا د یو استخیاراتي چارواکي چې نوم یې نه دی یاد شوی، په حواله ویلي، روس د نوي اټومي کروز میزایل ازموینه کوله.

نوموړي زیاته کړه، کېدای شي چې دا چاودنه د چرنوبیل د چاودنې وروسته په دې سیمه کې په اټومي چاودنوکې تر ټولو لویه وي.

د امریکا ولسمشر ډونلډ ټرمپ د اګست پر ۱۲مه په یو ټویټ کې لیکلي، امریکا د ناکامه چاودونو څخه ډېر څه زده کوي.

هانګ کانګ کې د حکومت ضد اعتراضونه خطرناک حالت ته رسېدلې

په هانګ کانګ کې مظاهرې.

د هانګ کانګ مشرې کیري لېم خبرداری ورکړی چې دغه سیمه یو خطرناک حالت ته رسېدلې ده.

په چینایي سیمه هانګ کانک کې له تېرو لسو اونیو راهیسې د حکومت ضد مظاهرې روانې دي.

د اګست پر ۱۳مه په یوه خبري کنفرنس کې د خبرو پر وخت کیري لېم پر خلکو د قراره پاتېکېدو غږ وکړ او ویې ویل چې تشدد به دغه سیمه یو نه راستنېدونکي حالت ته بوځي خو دغو جمهوري پلو مظاهرهچیانو ته یې د هرډول مراعاتو له ورکولو انکار وکړ.

په عېن حال کې نن د هانګ کانک په هوایي ډګر پروازونه او نورې چارې په ورو ورو عادي حالت ته ستنېږي.

دا تر هغه وروسته ده چې د هواي ډګر په لوی ټرمینل دغلته د زرګونو مظاهرچیانو د راټولیدو له وجې په سوونو پروازونه نسوخ کړل شول.

د راپورونو ترمخه د اګست پر ۱۲مه له پولیسو سره په نښتو کې ګڼ مظاهچیان ژوبل شوي دي.

دا مظاهرې د هغه بېل وروسته زیاتې شوې چې ترمخه به يې د مشکوکو کسانو مقدمې په چین کې کېږي او ناقدین وایي چې دا سې کولو سره به د دوی حقونو ته زیان ورسېږي.

د روس وزیر اعظم د کاسپین اقتصادي غونډه کې برخه اخلي

د روس وزیر اعظم دیمیتري میدویدف

د روس وزیراعظم دیمیتري میدویدف ترکمنستان ته تللی او تمه ده چې د کاسپین په لومړنۍ اقتصادي غونډه کې برخه واخلي.

نوموړی به د کاسپین اقتصادي غونډې په څنګ کې د ترکمنستان له ولسمشر قربان قلي بیردي محمدوف سره هم وګوري.

دا په داسې حال کې ده چې محمدوف د جولای له پنځمې شروع شویو دغو غونډو کې چا نه دی لیدلی.

د نوموړي دې غیر موجودګۍ دا ګنګوسې زیاتې کړي چې دی ناروغه دی خو ترکمن چارواکو ویلي ولسمشر یې په رخصتۍ دی.

بیردي محمدوف چې له ۲۰۰۷ کال راهیسې د ترکمنستان ولسمشر دی، حکومت یې د بشري حقونو په سرغړونو او د سیاسي مخالفینو په ځپلو تورن دی.

پر ایران سختو بندیزونو ته برتانیا هڅوو: بولټن

د امریکا ولسمشر د ملي امنیت سلاکار جان بولټن

د امریکا ولسمشر د ملي امنیت سلاکار جان بولټن برتانیا ته تللی چې دغه هېواد په ایران سختو بندیزونو راوستلو ته وهڅوي.

ښايي نوموړی له برتانوي چارواکو سره په خبرو کې هغوی دې ته تیار کړي چې د ایران په وړاندې خپله پالیسي د امریکا له پالیسۍ سره یو رنګ کړي هغه پالیسي چې ایران یې تر سختو بندیزونو لاندې نیولی دی.

بولټن به د اګست پر ۱۲ او ۱۳مه په برتانیا کې پاتې کیږي او د نوي وزیر اعظم بوریس جانسن له یو شمېر وزیرانو سره به خبرې کوي.

د امریکا ولسمشر ډونلډ ټرمپ تیر کال د تهران د ۲۰۱۵م کال له اټومي تړونه د وتلو اعلان وکړ او په ایران یې یو شمېر بندیزونه ولګول خو د برتانیا ګډون نړیوال قوتونه بیا وايي چې یاد تړون ته ژمن پاتې دي.

بلخوا په دې وروستیو کې د ایران له خوا د یوې برتانوي تیل وړونکې بیړۍ ایسارولو له وجې د تهران او لندن اړیکې سړې شوي دي.

د امریکا او طالبانو ترمنځ د خبرو اتم پړاو پای ته ورسېد

په قطر کې د امریکا او طالب استازو د ناستې یو انځور

په قطر کې د امریکا او طالبانو ترمنځ اتم پړاو خبرې پای ته ورسېدې.

دا خبره د طالبانو ویاند ذبیح الله مجاهد نن په یوه ټوېټري پیغام کې کړې او د خبرو دغه پړاو یې اوږد او ګټور یاد کړی دی.

مجاهد ویلي چې د دواړو لورو ټیمونو تر نن سهار پورې سخت کار مخ ته یووړ او په دې سلا وشوه چې د نورو اقداماتو لپاره دې له خپلو مشرانو سره سلا مشوره وشي.

د جرمني د ډي پې اې خبري اژانس د راپور له مخې، که څه هم دا تر اوسه نه ده یقینې شوې چې ښایي یو تړون به ډېر نږدې وي چې وشي خو یو شمېر سرچینو ویلي چې د دواړو لورو ترمنځ پاتې اختلافات هم ډېر ناڅیز دي.

د افغانستان د سولې لپاره د امریکا ځانګړي استازي زلمي خلیلزاد او نورو امریکایي چارواکو تراوسه د دغو خبرو د پای ته رسېدو په اړه څه نه دي ويلي، خو ښاغلي خلیلزاد پرون د لوی اختر په مناسبت یوه ټوېټري پیغام کې هیله ښودلې وه چې دا به د افغانستان د جګړې وروستۍ اختر وي.

د چین په ختیځ کې توپانونه، ۲۲ کسان وژل شوي ۱۰ ورک دي

د چین په ختیځ کې د توپان او زمکې ښوېدو په پېښو کې د وژلو شوو کسانو شمیر لږ تر لږه ۲۲ ته رسیدلی او ۱۰ لا هم ورک دي.

د اګست بر ۱۱مه سرکاري خبري اژانس زینوا ویلي، په جیجانګ صوبه کې د اګست پر ۱۰مه د هوا ۱۸۷ کلومیټره في رفتار لرونکي لیکیما توپان له وجې زمکه ښوېدلې ده.

د دې توپان له وجې له یو مېلیون څخه زیات کسان نورو سیمو ته کډه شوې دي چې پکې دوه لاکه درې پنځوس زره له شانګهای څخه او پاتې نور یې له جیجانګ څخه بې ځایه شوي دي.

د توپاني موسم له وجې د چین په ختیځ کې په زرګونه پروازونه معطله شوې دي. زینوا خبري اژانس راپور ورکوي چې په شان ډانګ صوبه کې نږدې ۲۰۰ اوورګاړي هم د ګل تر ورځې پورې ودرول شوي دي.

سعودي په مشرۍ پوځي ایتلاف پر بیلتونپالو بریدونه کړي

د سعودي په مشرۍ پوځي ایتلاف د یمن په جنوب کې پر بیلتونپالو هوايي بریدونه کړي دي. دا بریدونه د بیلتونپالو لخوا د ساحلي ښار عدن نیولو وروسته شوي دي.

ایتلاف د اګست پر ۱۱مه د بیلتونپالو او د هغوی د اتحادیانو پر جنوبي اشتعالي شورا غږ کړی چې په عدن کې دې له هغو ځایونو لري شي چې قبضه کړي یې دي او یا دې هم نورو بریدونو ته تیار شي.

بیلتونپالو د ولسمشر عبدالرب منصور هادي ملاتړ لرونکیو سرتیرو سره د څو ورځو جګړو وروسته عدن ښار ونیو.

د هادي حکومت دا یوه کودتا بللې ده.

ملګرو ملتونو په یوه بیان کې ویلي، د اګست پر اتمه د جګړې پیلېدو راهېسې ۴۰ کسان وژل شوي او ۲۶۰ ژوبل شوي دي.

کیم جونګ اون ډونالډ ټرمپ ته لیک استولی

د امریکا او شمالي کوریا مشران

د امریکا ولسمشر ډونلډ ټرمپ وایي، چې د شمالي کوریا د رژیم مشر کیم جونګ اون ډېر ښکلی لیک ور استولی او دا یې هم ویلي چې دی بیا له کیم سره کتلای شي.

سره له دې چې په وروستیو ۱۴میاشتو کې ټرمپ او کېم درې واره سره کتلي، نړیواله ټولنه د شمالي کوریا د مزاییلو ازموینو او د اټومي وسلو جوړولو قابلیت تر هر بل وخت زیاته اندېښمنه کړې ده.

ولسمشر ټرمپ نه دي ویلي چې د شمالي کوریا له مشر سره به بیا چېرته ویني؟

شمالي کوریا د اګست پر ۶مه دوه نوي میزایلونه وازمویل او پر امریکا او جنوبي کوریا یې هم د ګډو پوځي مشقونو د پېل له کبله سختې نیوکې وکړې.

په چین کې توپان ۱۶ تنه وژلي

عکس له ارشیفه

راپورونه وايي، د اګست پر۱۰ مه د چین په ختیځو برخو کې د توپان او د ځمکې د ښوییدو په پېښو کې لږ تر لږه ۱۶ کسان وژل شوي او تر یو مېلیون زیات خلک اړ شوي چې له یادې سیمې وکوچېږي.

رسمي خبري اژانس زېنوا لیکلي چې د «لکیما» توپان د چین په جیجانګ صوبه کې خلکو ته تاوانونه اړولي دي.

د توپان له وجې د چین په ختیځ کې زرګونه پروازونه هم ځنډول شوي دي.

همدا رنګه تر ۲۰۰ زیات اورګاډي هم تر اګست ۱۲مې پورې ځنډول شوي دي.

د لوی توپان له وجې په شانګهای کې ۲۵۰ زره او جیجانګ کې اته لکه کسان نورو سیمو ته لېږدول شوي دي.

'روس دې له جورجیا خپل ځواکونه وباسي'

په جورجیا کې مېشت روسي ځواکونه

امریکا او پنځو اروپايي هېوادونو پر روس غږ کړی چې خپل ځواکونه دې بیرته هغو ځایونو ته ستانه کړي چېري چې هغوی له جورجیا سره تر نښتو وړاندې مېشت ول.

دا په داسې حال کې ده چې د روس او جورجیا ترمنځ د پنځه ورځنۍ جګړې ۱۱ کاله پوره شوې دي.

په ملګرو ملتونو کې د امریکا، بیلجیم، استونیا، فرانس، جرمني، پولېنډ او بریتانیا سفیرانو دا غوښته د اګست پر اتمه په یو شریک بیان کې کړې ده.

هغوی د جورجیا د ازادۍ، خپلواکۍ او مځکنۍ بشپړتیا ملاتړ اعلان کړی دی.

د روس د بهرنیو چارو وزارت جورجیا او د هغوی اروپايي ملاتړي په دې تورن کړي چې د روس خلاف غصه پارولو ته لمن وهي، سیمې ته وسلې وروړي او په غیر رسمي توګه جورجیا په ناټو کې ورګډوي.

مصري ځواکونه د ۱۷ 'ترهګرو' د وژلو ادعا کوي

عکس له ارشیفه

د مصر امنیتي ځواکونه ادعا کوي چې د بېلا بېلو چاپو پر مهال یې ۱۷ مشکوک ترهګر وژلي دي.

د دوی په وینا، دا چاپې یې په تېره اونۍ کې په قاهره کې د شوي هغه برید په تړاو وهلې دي کوم چې شاوخوا شل تنه وژلي وو.

د کورنیو چارو وزارت ویلي چې اته وسله وال هغه مهال وژل شوي چې امنیتي ځواکونو یې په استا ښارګوټي کې پر پټنځای برید وکړ او اووه نور بیا د قاهرې په څنډه کې وژل شوي دي.

وزارت زیاتوي چې پاتې دوه هم په قاهره کې وژل شوي دي او په دوی کې یو د مشکوک اورپکي ورور وو او موټر یې چلاوی.

یاد وزارت ویلي چې دا وژل شوي ۱۷ کسان د ناقانونه ګرځول شوې اخوان المسلمین ملګرې ډلې حسم غړي وو.

د اګست پر څلورمه شوي برید ۲۰ تنه وژلي او ۴۷ یې نور ټپي کړي وو.

دا په څه باندې دوو کلونو کې په قاهره کې تر ټولو خونړی برید بلل شوی وو.

کشمیر کې د جمعې لمانځه لپاره ګرځبندیز نرموو: هندي چارواکي

هندي چارواکو ویلي چې نن د جمعې د لمانځه لپاره په کشمیر کې ګرځبندیز نرموي.

په هند کې یوه پولیس چاروامي دلباغ سنګ ویلي چې خلک به د سرینګر ښار په ګڼو برخو کې ځینو سیمو پتېره جوماتونو ته پرېښودل شي.

د کشمیر کورواکي ختمولو پس د دلی حکومت هلته پر ولسي غونډو او زیاتو ګرځېدو بندیرونه لګول شوي دي او هلته یې ګڼ عسکر ور لېږلي او د پاکستان غوسه یې پارولې ده.

پاکستان ویلي چې ان د یوې بلې جګړې احتمال هم شته.

له دې سیمې د اګست پر اتمه راپوټونه وايي چې څه باندې پنځه سوه کسان پولیسو نیولي دي او ګڼو خلکو بیا د ممکنه جګړې له وېرې له سیمې کډې کړې دي.

نور پورته کړئ

ځانګړې پاڼې

له موږ سره اړیکي

XS
SM
MD
LG