ايرانۍ رسنۍ راپور ورکوي چې د ايران بشري حقونو مدافع نسرين ستوده په اووه کلن بند سزا کړل شوې وه.
د تهران اسلامي انقلاب عدالت يوه قاضي نيمه دولتي اژانس ايسنا ته نن وويل، ستوده ته د پنځو کلونو بند سزا د نظام پرضد د سازش او دوه کاله نوره سزا د مذهبي مشر ايت الله علي خامنه اي د سپکاوي له کبله ټاکل شوې ده.
د ستوده مدافع وکيل محمود بهزادي راد پرون ويلي وو چې دا سزا د هغه د موکلې په غياب کې اورول شوې ده.
نسرين ستوده چې د ازادۍ لپاره يې د اروپايي پارلمان د ٢٠١٢ میلادي کال جايزه ګټلې ده، د ٢٠١٨ میلادي کال په جون مياشت کې ونيول شوه.
هغې ته په ٢٠١٦ میلادي کال کې په غياب کې د پنځو کلونو بند سزا اورول شوې وه.
