د عراق د انتخاباتو کمېشن چارواکو ویلي چې د دغه هیواد په نیمه خودمختاره سیمه کردستان کې واکمن ګوند کردستان ډیموکریټک د ستمبر میاشتې په انتخاباتو کې تر ټولو زیاتې رایې ګټلي دي.
پایلې ښيي چې د مسعود بارزاني ګوند کردستان ډیموکریټک د پارلیمان ۴۵ او پېټریاټک یونین اف کردستان ګوند ۲۱ څوکۍ ګټلي دي.
د اپوزیشن تر ټولو لوی ګوند ګوران یوازې په ۱۲ سیټونو بریا ترلاسه کړېده.
په کردستان کې انتخابات د ستمبر پر ۳۰مه شوي وو خو الیکشن کمېشن ته له زرو څخه زیاتو شکایتونو ترلاسه کېدو او بیا د پلټنو له وجې د انتخاباتو نتیجې اوس اعلان شوې.
د کردستان د پارلیمان ۱۱۱ څوکۍ دي چې پکې یې ۱۱ د اقلیتونو لپاره ځانګړې کړې دي.