ايران او په شام کې اپوزيشن ډلو د ترکيې او روس ترمنځ شوی هغه هوکړه ليک ستايلی چې پر ادلېب ولایت عمليات ځنډوي.
د ايران بهرنيوو چارو وزير جواد ظريف د سېپټمبر پر خپله ټويټر پاڼه ليکلي چې د روس، ترکيې او ايران ډيپلوماسۍ د جنګ مخنیوی وکړ.
د شام اپوزيشن ډلو هم د روس او ترکیې ترمنځ د سېپټمبر په ۱۷مه شوی تړون ستايلی دی.
ادلېب هغه ولایت ده چې لا هم پرې د شام د رژيم کنټرول نه شته. ولسمشر بشارالاسد غواړي پر دغه سيمه عمليات وکړي او له ياغيانو يې خلاصه کړي.