د پاکستان تحريک انصاف مطبوعاتي څانګه وايي د اګست په اتمه په اسلام اباد کې د امريکا سرپرست سفير، جان هوور په بني ګالا کې د ممکنه وزيراعظم، عمران خان سره ملاقات او په همدغه ورځ ورته د ايران ولسمشر حسن روحاني ټيليفون کړی دی.
تحريک انصاف پر خپل ويب سايټ ليکلي چې عمران خان جان هوور سره د تجارتي اړيکو زياتولو ترڅنګ د افغانستان پر امنيت خبرې کړې دي.
د ويب سایټ ترمخه بلخوا ايراني ولسمشر حسن روحاني، عمران خان ته تر وزيراعظم کېدو وروسته تهران ته د ورتګ بلنه ورکړې ده چې نوموړي منلې ده.