په لومړي ځل یو کېلاشی پارلېماني استازی غوره شو
د چترال کېلاش سیمې یو کېلاشی د پاکستان په پارلېماني تاریخ کې په لومړي ځل د خېبر پښتونخوا صوبايي اسمبلۍ ته غوره شوی دی. کېلاشی وزیرزاده د پاکستان تحریک انصاف په ټکټ پارلېماني څوکۍ ګټلې ده. وزیرزاده د مشال راډيو له خبریال غلام غوث سره په مرکه کې ویل چې کېلاشیان د هغه په غوره کېدو زښته ډېر خوشاله دي. دی وايي چې د خپلې ټولنې، مذهب او کلتور ساتنې او په چترال کې د سېلګرۍ پرمختګ لپاره به کار کوي.