د لاسرسي ځای

تازه خبر

خبرونه

په ترکي کې د ولسمشرۍ او پارلېمان ټاکنې کېږي

د ترکي لسمشر رجب طيب اردغان د دغه هېواد د ټاکنو د کمپاين په وروستو ورځو کې د استنبول کسمپاسه سيمې ته ورغلی دی.

په ياده سیمه کې خپلو پلويانو ته په وينا کې اردوغان ياد دهاني ورکړه چې زما تعلق د کسمپاسه سره دې،زه هم دلته زيږېدلې ووم او هم دلته وسیدم.

په لسګونو زره پلويانو ته په خپله وينا کې هغه زیاته کړه چې ما په وړکوالې کې د خپلې کورنې سره د مرستې په موخه دې لارو کوڅو کیاوبه او خوږې ګولۍ پلورلي دي.

د جون په ۲۴ مه دغه هېواد کې د ولسمشرۍ او پارلېماني ټاکنې په يوه ورځ کېږي د جمعې په ورځ د دغو ټاکنو لپاره د کمپاين وروستۍ ورځ وه.

د نننۍ ورځې ټول خبرونه وګورئ

د ولسمشر ټرمپ خلاف ځینو ایالتونو مقدمه کړې

د امریکا ولسمشر ډونالډ ټرمپ.

په امريکا کې د کيليفورنيا په مشرۍ۱۶ايالتونو د ولسمشر ډونلډ ټرمپ پر ادارې له دې کبله مقدمه کړې چې هغه له ميکسيکو سره پر سرحد د کډوالو مخنيوي لپاره د دېوال جوړولو په خاطر اېمرجنسي لګولې.

ولسمشر ټرمپ د دې ایمرجنسۍ په لګولو سره د دغه ديوال لپاره د پنځه اعشاريه اووه اربه ډالرو لګښت لپاره د کانګرس اجازې ته ضرورت نه لري.

کانګرس د دې پېسو له منظورۍ ورکولو انکار کړی وو.

د کيليفورنيا لوی څارنوال زاوير بيکيرا ويلي چې د دې مقدمې مقصد ولسمشر ټرمپ د خپلو واکونو له غلط استعماله راګرځول دي.

افغان پوځ د لسګونو وسله والو د وژلو ادعا کوي

په ننګاهار کې د افغان ځواکونو عملیات

د افغانستان په فارياب ولايت کې امنیه قوماندانۍ د فبرورۍ پر۱۹مه په يوه خبرپاڼه کې ويلي چې په قېصار ولسوالۍ کې بېګا د يوې نښتې پر مهال ۱۸وسله وال وژل شوي دي.

د خبرپاڼې تر مخه په دې جګړه کې د مولوي عصمت الله عصمتیار په نوم د طالبانو يو قوماندان هم وژل شوی دی.

بلخوا د قیصار ولسوال حاجي رحمت الله مشال راديو ته ويلي چې د دې جګړې پر مهال سيمې ته د روانو امنيتي ځواکونو پر ګاډو په سړک کې ښخ شوی ماين الوتی او نهه سرتېري يې وژلي او اته ټپیان دي.

د يو بل خبر تر مخه د ننګرهار ولايت د والي له دفتره نننۍ خبرپاڼه وايي چې بېګا د استخباراتي ادارې NDS په ځانګړو عملياتو کې نهه طالبان وژل شوي دي.

د خبرپانې تر مخه دا عمليات د خوږياڼو ولسوالۍ په ټټنګ سيمه کې شوي چې پکې د وسله والو يو مرکز ويجاړ شوی او وسلې يې نيول شوي دي.

ایران کې د تېرې اوونۍ د برید په تور شپږ کسان نیول شوي

په ایران کې د تېرې اوونۍ برید سیمه

ايران وايي په سيستان بلوچستان کې تېره اوونۍ پر امنيتي ځواکونو د حملې په تور يې شپږ کسان نيولي دي.

سپاه پاسداران انقلاب اسلامي د فبرورۍ پر ۱۸مه په يوه خبرپاڼه کې وويل چې درې کسان يې له ساراوان او خاش ښارونو نيولي دي.

درې نور کسان په سيستان بلوچستان کې ګرفتاره شوي دي.

د فبرورۍ پر ۱۳مه شوي ځانمرګي بريد کې د سپاه پاسداران انقلاب اسلامي ځواک ۲۷ سرتېري وژل شوي ول.

يو بيلتونپاله وسله والې ډلې جېش العدل د دې بريد ذمه واري منلې وه.

ايراني چارواکو تور پورې کړی چې دا حمله د ګاونډي پاکستان له خاورې پلان شوې وه نو يا دې د دغو وسله والو خلاف پخپله عمليات وکړي او يا دې هم ايراني ځواکونو ته د ننوتلو اجازه ورکړي.

د کورونو جوړولو پروژه کې پر شهیاز شریف فرد جرم ولګول شو

د لاهور يوه احتساب عدالت د پاکستان اپوزيشن پر مشر د کورونو جوړولو پروژې په مقدمه کې تر فرد جرم لګولی دی.

جج نجم الحسن پر شهباز شريف فرد جرم ولګولی خو هغه له تورونو انکار وکړ. د اشيانه هاوسنګ په نوم د کورونو جوړولو دا پروژه په ۲۰۱۰ کال کې پیل شوې وه.

پر شهباز شريف تور دی چې د دې پروژې اصلي بولۍ ګټونکيو پر ځای يې د لاهور کاسا ډيويلپرز ته ورکړې وه. شهباز شريف په دې اړه وويل چې د احستاب ادارې ورباندې بې ځای تورونه لګولي دي او د ده په وينا کله يې هم خپل واک ناوړه نه دی کارولی.

سعودي: د پاکستان او هند ترمنځ د کړکېچ په کمولو کې مرسته کوو

ارشیف، د سعودي عربستان د بهرنیو چارو وزیر عادل الجُبیر

د سعودي عربستان د بهرنیو چارو وزیر وایي، هېواد به‌ یې د پاکستان او هند ترمنځ د زیات شوي کړکېچ په کمولو کې مرسته وکړي.

د بهرنیو چارو وزیر عادل الجبیر چې د سعودي عرب له ولیعهد محمد بن سلمان سره پاکستان ته په سفر کې ملګری دی، دغه څرګندونې په اسلام‌اباد کې په یوه خبري غونډه کې وکړې.

الجبیر وویل:

"زموږ هدف دا دی چې د دغو دواړو ګاونډیو هېوادونو ترمنځ د کړکېچ کمولو لپاره هڅه وکړه او هم په سوله‌ییز ډول د اختلافاتو د هواري لپاره لارې چارې ولټوو."

پاکستان ته د سعودي د ولیعهد سفر په ترڅ کې اسلام‌اباد له نوي ډیلي خپل کمېشنر د سلا او مشورو لپاره ور غوښتی دی.

پاکستان دغه اقدام تر هغه وروسته کوي چې تر هندي ولکې لاندې کشمیر کې په وروستیو دوو جلا پېښو کې د هند د پوځ او د هندي ملېشو لسګونو سرتېري او پولیس وژل شوي دي.

د دغو حملو مسوولیت هند په پاکستان کې دېره پر جېش محمد سختدریځې ډلې اچولی دی.

په پام کې ده چې د سعودي ولیعهد محمد بن سلمان هند ته هم ولاړ شي.

په شمالي وزيرستان کې دوه ځايي کسان وژل شوي دي: چارواکي

پاکستانیو چارواکیو ویلي چې د همځونۍ په اغزن سيمه کې يې دوه مړي موندلي چې د زوی او پلار دي. د دوی په وینا چې دواړه کسان بېګاه نامالومو وسله والو له خپله کوره تښتولي ول. هېچا د دې پېښې ذمه واري نه ده منلې.

په شمالي وزيرستان کې د پاکستان پوځ په ۲۰۱۵ م کال کې د ضرب عضب په نوم عمليات کړي ول چې پکې هغه مهال تر یو میلیون زيات کسان بې کوره کړل شول. خو وروسته پوځ اعلان وکړ چې سيمه يې له وسله والو پاکه کړې او د بې کوره خلکو د ستنولو لړۍ بیا پیل شوې وه خو په دا وروستيو کې يوځل بيا د هدفي وژنو پېښې زياتې شوې دي.

حسن روحاني: د منځني ختیځ هیوادونو سره ښې اړیکې غواړو

د ایران ولسمشر حسن روحاني

د ایران ولسمشر حسن روحاني وايي، تهران غواړي چې د منځني ختیځ له ټولو هېوادونو سره خپلې اړیکې ښې کړي.

ایران له کلونو راهیسې له سعودي عرب سره په جګړو کې ښکېل پاتې شوی دې.

روحاني د فبرورۍ پر ۱۷مه، په جنوبي ښار «بندر ګناوه» کې په یوه تلویزوني وینا کې وویل چې هېواد یې د منځني ختیځ د امنیت په خاطر له ټولو سیمه ییزو هېوادونو سره کار کولو ته تیار دی.

روحاني پر امریکا او اسراییلو تور ولګاوه چې په ایرانیانو کې بې اتفاقي پېدا کوي او زیاته یې کړه چې تهران به د دې هېوادونو فشار ته ځان تسلیم نه کړي.

سعودي عرب او ایران په شام او یمن کې د یو بل د مخالفو ډلو ملاتړ کوي. بلخوا سعودي عرب د امریکايي ولسمشر ډانلډ ټرمپ د هغې فېصلې هرکلی کړی دې چې پکې نوموړي له ایران سره د نړیوالو طاقتونو د ایټمي توړن نه امریکا وویستله او پر ایران یې اقتصادي بندیزونه ولګول.

مونټينېګرو: زرګونو کسانو د درغلیو ضد مظاهره وکړه

مظاهره چیان وايي نوره درغلي نشي زغملی

په اروپايي هیواد مونټینېګرو کې زرګونو کسانو د درغلیو د تورونو له وجې د ولسمشر میلو دیکانویچ د استعفا لپاره مظاهره کړې ده.

مظاهره کونکيو د فبرورۍ پر ۱۶مه، د مونټينېګرو په پلازمېنې پودګوریڅه کې مظاهره وکړه او په بینرو یې لیکلي وو چې نور جرمونه او یاغیتوب نشې زغملی.

ولسمشر میلو دیکانویچ دا تورونه ردکړې دي. نوموړی او د هغه ګوند د تېرو څو لسیزو راهیسي په مونټينګرو کې حکومت کوي.

د هغه په مشرۍ مونټينګرو په ۲۰۰۶ م کال کې له سربیا څخه خپلواکي ترلاسه کړې وه.

جوبایډن د امریکا راتلونکو انتخاباتو کې د لاس وهنې اندېښنه ښودلې

د امریکا پخوانی مرستیال ولسمشر جو بایډن

د امریکا پخواني مرستیال ولسمشر جو بایډن په راتلونکو انتخاباتو کې د ځېنو هېوادونو او په ځانګړې توګه د روسیې لخوا د لاسوهنې د هڅو خبرداری ورکړی دی.

نوموړي د فبرورۍ پر ۱۶مه، د جرمني په میونخ ښار کې د امنیتي غونډې په څنډه کې د خبرو پرمهال د انټرنیټي بریدونو، تورو پېسو او د مسکو لخوا د ناسمو معلوماتو ورکولو او د ځېنو نورو هېوادونو لخوا په جمهوري عمل کې د ولس د باور کمزوري کولو په اړه خبرداری ورکړی دی.

نوموړي زیاته کړه، د نورو هېوادونو لخوا مداخله نه یوازې د امریکا جمهوري ادارو ته جدي ګواښونه جوړوي بلکې دا د امریکا د ملي امنیت لپاره هم یو خطر دی.

د امریکا په تېرو ولسمشریزو انتخاباتو کې هم پر مسکو د مداخلت تورونه پورې شوي وو خو روسي چارواکو دا تورونه رد کړي وو.

لورالايي کې دوه امنيتي سرتيري وژل شوي

لورالايي بازار کې باچا خان څلور لاری

پراګ - نن [د فبرورۍ پر ۱۶مه] د بلوچستان د لورالايي ضلعې په مرکزي بازار کې د اېف سي ځواک دوه سرتيري ووژل شول.

په سیمه کې عيني شاهدانو مشال راډيو ته وويل چې دوه سرتيري په ساده جامو کې د يو پلورنځي [دکان] مخې ته په سودا اخيستلو بوخت ول چې نامعلومه مخ پټو موټر سايکل سپرو کسانو ډزې پر وکړې.

په پيښه کې دوکاندار هم ژوبل شوی دی. د وژل شوو سرتيرو تعلق د خېبر پښتونخوا له لکي مروت او کرک ضلعو سره دی.

وسله وال تر پېښې وروسته تښتېدلي خو د پېښې ذمه واري لا تر دې دمه چا نه ده منلې.

لاړکانه کې وژل شوي باجوړيان خاورو ته وسپارل شول

باجوړ کې مظاهره (ارشيف ۲۰۱۸)

پراګ - د سیند صوبي په لاړکانه کې د خېبر پښتونخوا د قبايلي ضلعې باجوړ وژل شوي درې تنه پرون [د فبرورۍ پر ۱۵مه ]خاورو ته وسپارل شول.

د دې کسانو جنازې په بتايي علیزو کې وشوې.

پر دې موقع متاثره کورنیو او د پښتون ژغورنې غورځنګ غړیو له حکومته غوښتنه وکړه چې د دې وژل شوو کسانو قاتلینو ته دې سزا ورکړل شي.د باجوړ اوسېدونکي دا درې تنه په لاړکانه کې د فبرورۍ پر ۱۳مه نېټه نامعلومه کسانو وژلي ول.

که پاکستان کاروايي نه کوي، موږ به خپله له ترهګرو بدل اخلو: ايران

د ايران اسلامي انقلابي ساتندويان (ارشيف ۲۰۱۸)

پراګ - ايران پر پاکستان غږ کړی دی چې د هغو وسله والو پر ضد دې کاروايي وکړي چې د تهران په وینا د فبرورۍ پر ۱۳مه یې له پولې سره نږدې د ايران د اسلامي انقلاب ساتونکي ځواک ۲۷ تنه وژلي ول.

د ایران په جنوب ختیځ کې د دې برید مسوليت جېش العدل منلی و.

د ایران سرکاري رسنۍ نن د انقلاب ساتونکی ځواک د قومندان جنرال محمد علي جعفري په حواله ویلي، که پاکستان خپلې ذمه وارۍ نه پوره کوي نو ایران به له ترهګرو د بدل اخیستو لپاره پخپله سزا ورکړي.

ايران تور پورې کوي چې جېش العدل سني سختدريځه ډله په پاکستان کې مېشته دی او د پاکستان حکومت پناه ورکړې ده. پاکستانيو چارواکو د ایران لخوا د دې تازه تورونو په اړه لا څه نه دې ویلي.

امريکا ښايي تر ۱۴۰۰ پورې عسکر له افغانستانه وباسي

جنرال جوزف ووټل

پراګ - د امریکا د پوځ د مرکزي قوماندانۍ مشر جنرال جوزف ووټل ویلي چې ښايي تر ۱۴۰۰ پورې امریکايي عسکر له افغانستانه وایستل شي.

جنرال ووټل پرون [د فبرورۍ پر پنځلسمه] رويټرز خبري اژانس ته ویلي چې د نږدې ۱۴۰۰ امریکايي عسکرو د کمولو پرېکړه د سولې لپاره له روانو هڅو سره ارتباط نه لري.

د هغه په وینا، دا وړاندیز په افغانستان کې د امریکا د پوځیانو قوماندان جنرال سکاټ مېلر کړی او هدف یې د امریکا د پوځ له امکاناتو منصفانه کار اخیستل دي.

سکاټ مېلر د ۲۰۱۸م کال په سېپټمبر میاشت کې په افغانستان کې د ناټو او امریکايي ځواکونو قوماندان وټاکل شو.

جنرال ووټل د عسکرو د ایستلو کره نېټه نه ده څرګنده کړې.

د امریکا دفاع وزارت وايي په افغانستان کې ۱۴۰۰۰ عسکر لري.

د بلوچستان اسمبلۍ کې د ارمان لوڼي د قتل په اړه د عدالتي کمېشن غوښتنه شوې

ارمان لوڼی او د هغه خور وړانګه لوڼۍ

د بلوچستان اسمبلۍ غوښاته کړې چې کړې ده چې د ارمان لوڼي د مرګ په اړه دې د پلټنو لپاره عدالتي کمېشن جوړ شي.

دا غوښتنه د فرورۍ پر ۱۴مه د یادې اسمبلۍ په غونډه کې پر دې موضوع تر بحث وروسته شوې ده.

په بحث کې برخه اخیستونکو زیاتره ویناوالو د دې پېښې په اړه د حقایقو څرګندولو لپاره د عدالتي کمېشن غوښتنه وکړه.

د ارمان لوڼي پر مرګ د بحث لپاره تحریک التوا د پښتونخوا ملي عوامي ګوند غړي نصرالله زېري وړاندې کړی وو.

د پښتونخوا ملي عوامي ګوند او پښتون ژغورنې غورځنګ غړی ارمان لوڼی د فرورۍ پر دویمه په لورالايي کې وژل شوی وو.

عیني شاهدان وايي چې هغه پولیسو وژلی وو خو پولیس یې نه مني.

پاکستان سوپر لیګ: اسلام اباد یونایټیډ لاهور قلندرز ته ماته ورکړه

پاکستان سوپر لیګ

د پاکستان د تجارتي کرکټ ټورنامنټ – پاکستان سپرلیګ – په لړ کې به نن[د فبرورۍ پر ۱۵مه] دوې لوبې ترسره کېږي.

لومړۍ لوبه د پېښور پر وخت مازیګر څلورنیمې بجې د کراچۍ کنګز او ملطان سلمان تر منځ ده.

دویمه لوبه د شپې پر نهه بجې د پېښور زلمي او کویټه ګلېډیېټرز ترمنځ ترسره کېږي.

د ټورنامنټ په لومړۍ لوبه کې بېګا اسلام اباد یونایټیډ لاهور قلندرز ته ماته ورکړه.

په دې ټورنامنټ کې به د شپږو لوبډلو ترمنځ ټولې ۳۴ لوبې ترسره کېږي.

په دې لوبډلو کې پېښور زلمي، کویټه ګلېډیېټرز، اسلام اباد یونایټیډ ، کراچي کنګز ، لاهور قلندرز او ملطان سلطان شامل دي.

د ټورنامنټ له ۳۴ لوبو څخه به پنځه په کراچۍ او درې په لاهور کې ترسره کېږي.

د ټورنامنټ د پای لوبه به د مارچ میاشتې پر ۱۷مه په کراچۍ کې وي.

ستولتنبرګ: د افغانستان د سولې په هڅو کې د افغان حکومت د ګډون ملاتړ کوو

د ناټو مشر ینز ستولتنبرګ

د ناټو مشر ینز ستولتنبرګ ویلي دي چې د افغانستان د سولې په هڅو کې د افغان حکومت د ګډون ملاتړ کوي خو د بهیر مالکیت باید د افغانانو وي.

نوموړي دا خبره د فرورۍ پر ۱۴مه د بېلجییم په مرکز برسلز کې د ناټو د ۲۹ غړو هېوادونو د دفاع وزیرانو تر غونډې وروسته له مشال راډیو سره په مرکه کې وکړه

دا غونډه د افغانستان د سولې او افغان ځواکونو د ملاتړ لپاره را بلل شوې وه.

ده وویل ، "په بهیر کې د افغان حکومت له بشپړ ګډون پرته تلپاتې سوله نشي کېدای او همدا لامل دی چې موږ د [زلمي] خلیلزاد د هڅو ملاتړ کوو چې له طالبانو سره رابطې کوي چې دا افغانانو په مالکیت د جوړجاړي بهیر لپاره شرایط برابر شي."

تر ستولتنبرګ مخکې یو شمېر نړیوالو او افغان چارواکو پر طالبانو له افغان حکومت سره د خبرو غږ کړی خو هغوی ورڅخه انکار کړی.

په عین وخت کې د افغانستان د سولې لپاره د امریکا د بهرنیو چارو وزارت ځانګړي استازي بېګا پر ټوېټر په یوه بیان کې وویل چې په میونښ کې یې له افغان ولسمشر اشرف غني سره پر مشورتي جرګې او د بین الافغاني خبرو پر سمدستي اړتیا خبرې وکړې.

ولسمشر غني دا مهال په نړیوال امنیتي کنفرانس کې د ګډون لپاره په جرمني کې دی او په افغانستان کې یې چارواکو ته دنده سپارلې چې د مارچ تر نیمايي پورې د سولې په اړه د اجماع په موخه مشورتي جرګه جوړه کړي.

د هند تر واک لاندې کشمیر کې ځانمرګي برید ۴۴ هندي عسکر وژلي

هندي عسکر د برید د ځای جاج اخلي

هند له پاکستانه غوښتنه کړې چې پر خپله خاوره د فعالو ترهګرو ډلو پرضد ګامونه پورته کړي.

دا له هغه وروسته ده چې د فرورۍ پر ۱۴مه د هند تر واک لاندې کشمیر کې په ځانمرګي برید کې ۴۴ هندي سرتېري ووژل شو.

پاکستان مېشتې وسله والې ډلې جیش محمد د جمو کشمیر پر لوی سړک پر هندیو سرتېرو د شوي دې بریدذمه واري منلې ده.

دا په دې لانجمنه سیمه کې په لسیزو کې یو له خونړیو بریدونو بلل کیږي.

تر برید څو ساعته وروسته د هند د بهرنیو چارو وزارت پر پاکستان غږ وکړ چې د ترهګرو او وسله والو ډلو ملاتړ دې پرېږدي کومې چې د دوي په وینا د پاکستان له خاورې پر نورو هیوادونو بریدونه کوي.

د پاکستان د بهرنیو چارو وزارت په یو بیان کې پر دې برید اندېښنه ښودلې ده خو وايي اسلام اباد د هندي حکومت او رسنیو له لوري بې له تحقیقاتو له پاکستان سره د دې برید د تړاو تور ردوي.

سپينې ماڼۍ په یوه بیان کې له پاکستانه غوښتنه کړې چې په سمدستي توګه دې د هغو وسله والو ډلو ملاتړ بند کړي چې له پاکستانۍ خاورې فعالیتونه کوي.

نن په برسلز کې د افغانستان په اړه د ناټو غونډه پېلیږي

په برسلز کې د ناټو د ۲۹ غړیو هیوادو دفاع وزیران. پخوانی عکس

د ناټو د ۲۹ غړیو هیوادو دفاع وزیران د فبرورۍ پر ۱۴مه د بېلجیم په پلازمینه برسلز کې د افغانستان پر امنیتي حالت خبرې وکړي.

د ناټو عمومي منشي ینس ستولتنبرګ د فبرورۍ پر ۱۳مه په بروکسل کې خبریالانو ته وویل چې په افغانستان کې د ناټو پوځي شتون د دې لپاره هڅې کوي چې په دغه هیواد کې سولې ته شرایط برابر شي.

ستولتنبرګ زیاته کړه چې د افغانستان د سولې په هر راز مخامخ خبرو کې باید د افغانستان د حکومت استازي وي.

طالبان د افغانستان د حکومت له استازیو سره له خبرو انکار کوي او ټینګار کوي چې که بهرني ځواکونه له افغانستانه ووځي بیا ښیي د افغانستان د حکومت له استازیو سره هم خبرې وکړي.

ایران: ځانمرګي برید کې ۲۷ کسان وژل شوي

له پاکستان سره پر پوله ایراني پوځیان.

د ایران په سیستان بلوچستان صوبه کې یو ځانمرګي برید د هیواد د انقلابي ساتونکي ځواک لږ تر لږه ۲۷ غړي وژلي دي.

د ایران حکومتي رسنیو د یاد ځواک د بیان له حوالې ویلي چې دا پېښه د فبرورۍ پر ۱۳مه هغه مهال رامنځ ته شوې چې ځانمرګي خپل له بارودو ډک موټر د زاهدان او خاش ښار پر سړک د انقلابي ځواک له وړونکي بس سره ټکر کړی دی.

سني مسلمانې بېلتون غوښتونکې وسله والې ډلې جېش العدل یې ذمه واري منلې ده.

سیستان بلوچستان له پاکستان سره پر پوله پروت دی او د خلکو لویه برخه یې بلوڅان دي کوم چې له سني مذهب سره اړه لري.

هلته وسله والې ډلې او د نشي موادو سمګلران ډېر فعال دي.

د شمالي وزیرستان ملک عباس خان وزیر ووژل شو

د شمالي وزیرستان نقشه.

د شمالي وزیرستان په میرعلي کې یو ځايي قبایلي مشر ملک عباس خان وزیر وژل شوی دی.

د چارواکو په وینا، د ملک عباس خان پر موټر د فبرورۍ د ۱۳مې په ماښام د میر علي په نورک سیمه کې هغه وخت بمي برید شوی چې هغه کور ته روان وو.

د دوی په وینا په دې برید کې ملک عباس خان وژل شوی او موټر یې زیانمن شوی دی.

د نوموړي پر تره ملک ریمال وزیر هم یوه اوونۍ وړاندې په هم دې سیمه کې بمي برید شوی وو خو هغه پکې روغ پاتې شوی وو.

قاري سیف الله، چې ځان د پاکستاني طالبانو د یوې ډلې مشر بولي، د برید ذمه واري منلې ده.

په دې وروستیو کې یو وارې بیا په شمالي وزیرستان کې هدفي وژنې زیاتې شوې دي.

په کوهاټ کې د تندر پرېوتو پېښه کې پنځه کسان مړه شوي دي

د کوهاټ نقشه.

د خیبر پښتونخوا د کوهاټ په سورګل سيمه کې د بجلۍ پر تارونو د تندر پریوتو له کبله د دوو مېرمنو په ګډون پنځه تنه وژل شوي او شپږ نور ټپیان دي.

د ځايي پولیسو ویاند فضل نعیم د پېښې پخلی کړی او ویلي يې چې دا پېښه د فبرورۍ د ۱۴مې پر سهار شوې ده.

دوی وايي، تندر د بجلۍ پر تارونو ولوېد چې په تعقیب یې په نږدې کورونو کې اور ولګېد.

ډاکټران وايي، د ژوبل شویو کسانو روغتیايي حالت ډاډمن دی.

ایران د کنګل شوو دوه اربه ډالرو ترلاسه کولو هڅه کوي

د ایران د بهرنیو چارو وزیر جواد ظریف

ټاکل شوې ده چې د انصاف نړیواله محکمه د هغې قضیې په اړه د فرورۍ پر ۱۳مه فیصله واوروي چې پکې ایران د خپلو کنګل شویو دوه اربه ډالرو ترلاسه کولو هڅه کوي.

د ایران دغه پېسې امریکا کنګل کړي دي. په هېګ کې د انصاف نړیوال عدالت په اکتوبر کې حکم کړی و چې امریکا دې په ایران د بشري ضرورتونو لپاره په کاریدونکو توکو لګولي بندیزونه لغوه کړي.

په ۲۰۱۶ م کې د امریکا سپریم کورټ حکم وکړ چې ایران دې دغه پیسې د هغو تروریستي بریدونو د قربانیانو کورنیو ته ورکړي چې ایران په کې په لاس لرلو تورن دی.

په دې کې په ۱۹۸۳ ز کال کې په بیروت کې د امریکا سمندري ځواکونو په یوه مرکز او په ۱۹۹۶ ز کال کې په سعودي عرب کې په خوبار برجونو کې د بمي چاودنو قربانیان شامل دي.

په سیند صوبه کې د باجوړ درې مزدوران وژل شوي دي

کراچۍ: ترافیکي پېښه کې وژل شوي کسانو مړي. پخوانی عکس.

د فبرورۍ پر۱۳مه د سیند صوبې په نوډیرو لاړکانه کې د نامالومه وسله والو په ډزو درې کسان وژل شوي دي.

د باجوړ د ضلعي انتظامیې یو چارواکي د نوم نه ښودلو په شرط نن[د فبرورۍ پر۱۳مه] مشال راډیو ته وویل، وژل شوي درې واړه کسان د باجوړ خار تحصیل د عالیزو بتایي کلي استوګڼ دي.

د هغه په وینا وژل شوي د مزدورۍ لپاره لاړکانې ته تللي و.

سیند پولیسو په خپله ټویټر پاڼه لیکلي دي چې د سیند پولیسو مشر سید کلیم امام د پېښې نوټس اخیستی او د لاړکانې له ایس ایس پي څخه یې د پیښې په اړه پوره تفصیل غوښتی دی.

په پولېنډ کې د منځني ختيځ په اړه غونډه جوړېږي

وارسا ښار

امريکا د فبرورۍ پر ۱۳مه د پولېنډ په مرکز وارسا کې د دې هېواد په کوربه توب د منځني ختيځ په اړه کنفرانس جوړوي تر څو په سيمه کې د روسيې په مقابل کې د واشنګټن پله درنه کړي.

داسې ښکاري چې ايران به د ننني کنفرانس مهمه موضوع وي.

تهران دغه غونډه يو مخالف ګام بللی او وارسا ته يې د ناڅرګندو نتايجو خبرداری ورکړی دی.

د امريکا د بهرنيو چارو وزير مايک پومپيو او د پولېنډ د بهرنيو چارو وزير ياڅيک چاپوتوويچ د دې دوه ورځنۍ نړيوالې غونډې شريک کوربانه دي.

تمه څرګنديږي چې د نړۍ د ۶۰ هېوادونو استازي به په دغه غونډه کې ګډون وکړي.

د لوړ پوړو استازو په منځ کې په دې غونډه کې د امريکا مرستيال ولسمشر مايک پينس او د اسراييل وزيراعظم بنيامين نتنياهو هم ګډون لري.

د روس ولسمشر پوتین په نړۍ کې ډیموکراسي زیانمنوي: پومپیو

د امریکا د بهرنیو چاور وزیر مایک پامپیو.

د امریکا د بهرنیو چارو وزیر مایک پومپیو وايې د روسيې ولسمشر ولادمیر پوتین د نړۍ د ډیموکراسۍ لپاره ګواښ دی.

مایک پومپیو دا څرګندونې د مرکزي اروپا د یو شمېر هېوادونو د سفر په پای کې د فبرورۍ پر ۱۲مه د سلوواکیا په مرکز براتيسلاوا کې وکړې چې مقصد يې په دې سيمه کې د د چين او روسيې د اغېز مخنيوی دی.

نوموړي د سلوواکیا د ژورنالیزم زده کوونکو ته په وینا کې وویل، پوتین غواړي چې په ټوله نړۍ کې ډیموکراسي زیانمنه کړي نو موږ بايد عادلانه و اوسو.

نوموړي د چين د اقتصادي او نورو هغو هڅو په اړه پر محتاطه اوسېدو ټينګار وکړ چې د ده په وينا د سلوواکيا د اقتصادي تکيې او پر سياسي نظام يې د اغېز په معنا دي.

په تیرو ۱۴ کلونو کې مایک پومپیو د امريکا د بهرنیو چارو لومړنی وزیر دی چې سلوواکیا ته يې سفر وکړ.

نور پورته کړئ

ځانګړې پاڼې

د مشال ځانګړې پاڼې

له موږ سره اړیکي

XS
SM
MD
LG