د ناټوعمومي منشي ینس سټولټنبرګ وايي، د تړون څو غړو هېوادونو په افغانستان کې د خپلې موجودګۍ د پراختیا پرېکړه کړې ده.
خو نوموړی وايي، دا په دې معنی نه ده چې د ناټو په مشرۍ، د غوڅ ملاتړ ماموریت به د وسله والو طالبانو ضد په جګړه کې ګډون کوي.
سټولټنبرګ پرون په برسلز کې د ازادې اروپا راډیو له خبریال سره په مرکه کې وویل چې دوی به دافغانستان د امنیتي ځواکونو د روزنې او هغوي ته د مشورې ورکولو ماموریت جاري وساتي.
