د لاسرسي ځای

تازه خبر

د سعودي عربستان چارواکي وایي د یمن حوثي یاغیانو پرون د دې هیواد پرپلازمینه ریاض د بېلسټک توغنديو برید کړی خو دوي په فضا کې د هغه مخه نیولې او هغه یې له منځه وړی دی.

د ایران د اتحادي دې ډلې له خوا دا برید په داسې وخت کې شوی چې د نړۍ له ځواکمنو هیوادونو سره د ایران د ۲۰۱۵ کال له ایټمي تړونه د امریکا د وتلو اعلان په سیمه کې تاوتریخوالی زیات کړی دی.

خو د یاغیانو له خوا چلېدونکي ټي وي چینل – المسیره – ویلي چې توغندیو په ریاض کې په ډېره کره توګه خپل هدفونه په نښه کړي دي.

د سعودي عربستان ځواکونو تیر کال هم څو ځلې د حوثي یاغیانو د بېلسټک توغندیو د بریدونو مخه نیولې وه.

د سعودي عرب په مشرۍ ایتلافي ځواک د شعیه مسلکه حوثي یاغیانو پرضد جګړه کې د یمني حکومت مرسته کوي.

دا له هغه راهسې ده چې دې یاغیانو په ۲۰۱۵م کال کې د پلازمېنې سنعا په ګډون د یمن د شمالي زیاتره سیمې ونیولې.

ځانګړې پاڼې

د مشال ځانګړې پاڼې

له موږ سره اړیکي

  • مهرباني وکړئ د خپل اکاونټ ساتنې پوښتنه ځواب کړئ *

XS
SM
MD
LG