د لاسرسي ځای

تازه خبر

خبرونه

جکارتا کې د افغانستان پر حالاتو غونډه کېږي

د انډونیزیا په پلازمېنه جکارتا کې داسې غونډه جوړېږي چې له افغانستان ، پاکستان او انډونیزیا څخه شا وخوا پنځوس مشهور دیني عالمان پکې ګډون کوي.

دا خبره د افغانستان د عدلیې وزارت مرستیال او د یني عالمانو د شورا غړي محمد قاسم حلیمي بېګا مشال راډیو ته وکړه.

محمد قاسم حلیمي وویل دا غونډه د انډونیزیا د ولسمشر په نوښت جوړیږي چې د افغانستان د مسلې په اړه له دیني پلوه بحث وکړي.

ټاکل شوې ده چې دا کنفرانس به د مارچ له پنځلسمې نېټې د مارچ تر ۱۹ نیټې په جکارتا کې جوړ شي.

د نننۍ ورځې ټول خبرونه وګورئ

پامپیو له عراقي وزیر اعظم سره ټېلیفوني خبرې کړې

ښي اړخ ته د عراق وزیر اعظم او کیڼ اړخ ته د امریکا بهرنیو چارو وزیر مایک پامپیو. عکس له ارشیفه

د امريکا بهرنيو چارو وزير مايک پامپيو له عراقي وزير اعظم عادل عبدالمهدي سره ټېليفوني خبرې کړي دي.

د امريکا بهرنيو چارو وزارت وايي، پامپيو په ټينګار سره وويل چې يو پياوړی، ازاد او خپلواکه عراق زموږ شريکه خواهش دی.

د بهرنيو چارو وزارت وياندې مارګن ارتګس د جون پر۱۴مه وويل چې پامپيو د عراقي وزير اعظم له دې کبله مننه وکړه چې له ايراني ملاتړو ملېشو د عراق ژغورلو لپاره دوامداره هلې ځلې کوي.

په خليج فارس او د عمان په خليج کې د تېلو پر ټانکرو د بريدوو وروسته پامپيو د امريکا دا هوډ تکرار کړی چې په سيمه کې د نقل وحرکت ازادي به برقرار ساتي.

واشنګټن د دغه بريدونو لپاره ايران تورنوي خو ايران بيا دا تورونه ردوي.

د امريکا د بهرنيو چارو وزارت وياندې وويل، پامپيو زموږ دا ارزونه شريکه کړې چې د عمان په خليج کې په دوو تېلو ټانکرو د بريد لپاره ايران ‌ذمه وار دی.

د پاکستان او افغانستان ترمنځ د مال وړونکو احتجاج روان دی

د تورخم لاره. عکس له ارشیفه

د پاکستان او افغانستان ترمنځ د مال وړونکو ټرانسپورټرانو لخوا هړتال د جون پر۱۵مه په څلورمه ورځ هم دوام لري.

دوی د جون پر۱۴مه مشال راډیو ته وويل چې هړتال يې د پاکستان قامي لويو لارو د ادارې لخوا د وزن مقرر کړي حد او کرایو زیاتولو ضد دی.

ټرانسپوټران وايي، په لاهور، کراچۍ، کلر کهار، پېښور او تورخم کې يې په زرګونه ګادي ولاړ او له ډېر تاوان سره مخ دي.

د مشال راډیو خبريال وايي، حکومت کارخانه دارو ته ویلي دي چې د ۴۰ ټنو زیات مال به په ګاډو کې نه اچوي ځکه چې بيا سړکونه خرابېږي.

بلخوا ټرانسپورټران وایي، دوی به له مقرر شوي حده سرغړونه نه کوي خو د دې په بدل کې دې ورته کرایانې ورزیاتې کړل شي، ځکه چې دوی وايي، په کم مال وړلو کې يې تاوان دی.

عبدالله عبدالله د تاجکستان له ولسمشر سره لېدلي

په ښي اړخ ته د تاجکستان ولسمشر امام علي رحمان او کیڼ اړخ ته د افغانستان اجراییه رییس عبدالله عبدالله.

د افغانستان د ملي یووالي حکومت اجراییه رئیس عبدالله عبدالله او د تاجکستان ولسمشر امام علي رحمان پر ګډو امنیتي ستونزو د افغانستان د سولې پر بهیر او امنیتي پرمختګونو ږغږېدلي دي.

عبدالله عبدالله د جون پر ۱۴مه پر ټوېټر ولیکل چې له امام علي رحمان سره یې د تاجکستان په پلازمېنه دوشنبې کې خبرې وکړې.

د دوشنبې ښار نن شنبه د جون پر ۱۵مه په اسیا کې د تعامل او باور جوړولو د سازمان د مشرانو او چارواکو د غونډې کوربه دی.

په دې کنفرانس کې د اسیايي هېوادونو د حکومتونو مشران او استازي ګډون لري.

عبدالله عبدالله پر ټوېټر لیکلي چې په کنفرانس کې به وینا کوي خو د خپلې وینا جزئیات یې نه دي خپاره کړي.

په اسیا کې د تعامل او باور جوړولو سازمان ۲۷ غړي لري.

د دې کنفرانس د بحث یوه اساسي موضوع د افغانستان وضعیت دی.

خوست کې ګڼ وسله وال نيول شوي

په خوست کې د افغان ځواکونو عملیات. عکس له ارشیفه

د افغانستان خوست د ملي امنيت رياست چارواکي وايې، چې د جون پر ۱۳مه شپه د ځانګړو عملياتو په ترڅ کې په مخامخ جګړه کې ۲۳ وسله وال نيولي دي.

د جون پر ۱۴مه مازديګر مهال د ملي امنيت چارواکو د نوم نه ښودلو په شرط مشال راډيو ته وويل، چې په دې کسانو کې يو تن د ښځو په لباس کې نيول شوی دی.

د سرچېنې د مالوماتو پر اساس د دې عملياتو په هوايي او ځمکنيو بريدونو کې اته وسله وال وژل شوي دي.

د يادو وسله والو د پيکا او کلاشينکوفونو په ګډون ګڼه وسله نيول شوې ده.

سرچينه زياتوي، چې ياد عمليات د موسی خېلو ولسوالۍ اړوند په زوړ کوټ، رغمالي کلي، سيندي کلي، پړوخېلو او کوسين خوله کې ترسره شوې دي.

ټاکل شوې، چې نن شپه ياد وسله وال او وسلې د رسنيو خبريالانو ته وښودل شي.

تر اوسه هېڅ یو وسله والې ډلې د يادو عملياتو په باب رسنيو ته څه نه دي ويلي.

نړیوال کرکټ جام: د هند او نیوزیلنډ ترمنځ لوبه وځنډېده

د نیوزیلنډ دوه لوبغاړي

د کرکټ نړيوال جام په سيالو کې د جون پر۱۴مه د انګلېنډ او ويسټ انډيز ترمنځ لوبه کېږي.

دا د کرکټ نړيوال جام ۱۹مه لوبه ده.

دا لوبه په ساوت ايمپټن ښار کې د پېښور له وخت سره سم ماسپخين دوه نيمې بجې پیلېږي.

د جون پر ۱۳مه د هند او نيوزيلېنډ ترمنځ لوبه د باران له وجې وځنډول شوه او دواړو ټيمونه ته يو يو پوینټ ملاو شو.

د برتانيا په بېلا بېلو ښارونو کې روان په ۱۲م يوه ورځني پنځوس اووریز نړيوال کرکټ جام کې د مخکیني اتل اسټراليا ترڅنګ د پاکستان، افغانستان، بنګله دېش، انګلېنډ، هند، نيوزي لېنډ، جنوبي افریقا، سري لنکا او ویسټ انډيز لوبډلې برخه اخلي.

د دغو سياليو پایلوبه به د جولای پر۱۴مه په لندن کې کېږي.

د نیوزیلېنډ بریدګر وايي، بې ګناه یم

نيوزيلېنډ کې بريد. عکس له ارشیفه.

په نیوزيلېنډ کې پر دوه جماتونو په حملو کې د ۵۱ کسانو په وژنه تورن تن د بې ګناهۍ درخواست جمع کړی چې د کارواۍ لپاره اوس د ۲۰۲۰م کال د مې پر څلورمه ټاکل شوې ده.

د جون پر ۱۴مه برینټن ټیرنټ د روان کال د مارچ پر ۱۵مه له پېښې سره په تړاو د ۵۱ کسانو د وژنې، د ۴۰ کسانو د وژنې کوښښ او د کرایسټچرچ های کورټ کې د ترهګرۍ د تور خلاف اپیل جمع کړ.

۲۸ کلن ټیرنټ په اکلینډ کې تر سختو امنیتي تدابیرو له یو زندانه د ویډیو په ذریعه په عدالت کې وښودل شو.

د هغه وکیل شېن ټېټ د ټیرنټ په استازیتوب اپیل وکړ.

ټیرنټ د کارواۍ پر مهال لږ موسکې شو خو څه احساسات یې څرګند نه کړل او خاموشه و.

تمه ده چې دغه کاروايي د شپږو اوونیو لپاره دوام وکړي.

د امریکا ولسمشر له خپل روسي سیال سره ګوري

ارشیف، ټرمپ او پوتین

د امریکا ولسمشر ډونلډ ټرمپ وایي، د روسیې له ولسمشر ولادیمیر پوتین سره به د روانې میاشتې په پای کې په جاپان کې د پرمختللو جي شل ډلې د هېوادونو په سرمشریزه کې وګوري.

که څه هم کرېملین تر اوسه نه‌ ده تایید کړې چې د دې کتنې لپاره یې د واشنګټن بلنه ترلاسه کړې خو ټرمپ له پوتین سره د کتنې خبره د جون پر ۱۲مه په سپینه ماڼۍ کې خبریالانو ته وکړه.

دغه څرګندونې د دواړو مشرانو د کتنې په اړه د ابهام وروستۍ بېلګه ده.

ټرمپ تېره میاشت د جي شل په سرمشریزه کې له پوتین سره د لیدو خبره کړې وه خو کرېملین هغه مهال ویلي و چې د دواړو مشرانو د مخامخ کتنې په اړه هېڅ هوکړه نه‌ ده شوې.

وروستۍ ځل ټرمپ او پوتین د ۲۰۱۸م کال په جولای کې د فنلنډ په پلازمېنه هلسینکي کې سره کتلي ول.

پر دغه دوه ساعته کتنه چې د معمول خلاف نه د ټرمپ نور همکاران او نه هم نوټ اخېستونکي په‌ کې وو، د هغه د مخالفینو لخوا سخت انتقاد شوی و.

د کرملین ویاند دمیتري پسکوف د روسیې دولتي خبري اژانس تاس ته ویلي چې کرملین ته تراوسه دا نه‌ ده تایید شوې چې دواړه مشران دې د جاپان په اوساکا ښار کې چې د جون په ۲۸مه او ۲۹ مه به د دې سرمشریزه کوربه وي، مخامخ کتنه ترسره کړي.

د جون پر۱۳مه د شانګهای سرمشریزه پیلېږي

عکس له ارشیفه

د شانګهای همکارۍ سازمان ۱۸مه دوه ورځنۍ سرمشریزه له د جون پر۱۳مه څخه د قرغزستان په پلازمینه بشکیک کې پیلېږي.

د پاکستان سرکاري راډیو وايي، په دې غونډه کې به د پاکستاني پلاوي مشري وزیر اعظم عمران خان کوي.

تمه ده چې په دې غونډه کې به د یو شمېر نورو موضوعاتو ترڅنګ د افغانستان پر سوله او اقتصاد خبرې وشي.

د افغان ولسمشر مرستیال ویاند شاه حسین مرتضوي بېګا مشال راډیو ته وویل چې ولسمشر اشرف غني به په دې غونډه کې وینا وکړي او د یو شمېر هېوادونو له مشرانو سره به خبرې وکړي.

قرغزستان، قزاقستان، تاجکستان، هند، پاکستان، چین او روس د دې سازمان دایمي غړي هېوادونه دي او افغانستان، ایران، بلاروس او منګولیا یې څارونکي غړي دي.

نړیوال کرېکټ جام: اسټرالیا پاکستان ته ماتې ورکړه

د کرکټ په نړیوال جام کې د جون پر۱۳مه د هند او نیوزي لېنډ ترمنځ لوبه ترسره کېږي.

دا لوبه به د پېښور له وخت سره سم د ماسپښین پر دوه نیمې بجې پیل شي.

د جون پر ۱۲مه د کرکټ نړیوال جام سیالیو لړ کې د پاکستان او اسټرالیا ترمنځ د انګلستان سمرسیټ په نوټن کې د لړۍ ۱۷مه لوبه کې اسټرالیا پاکستان ته په ۴۱ منډو ماتې ورکړه.

پاکستان د دغې لوبې پچه وګټله او اسټرالیا ته یې لومړی د توپوهنې بلنه ورکړه، چې ۴۹ اوورنو کې یې د ټولو لوبغاړو له سوځېدو وروسته ۳۰۷ منډې وکړې.

پاکستان په ځوابي لوبه کې د ۴۵ اعشاریه څلور اوور له لوبې وروسته ټول لوبغاړي له لاسه ورکړل او ۲۶۶ منډې یې جوړې کړې.

په نړیوال جام کې تر اوسه نیوزي لېنډ پر لومړي، اسټرالیا دویم، انګلستان دریم او هند پر څلورم نمبر دی.

داعش ډله غواړي چې پر امریکا برید وکړي: مکنزي

د امریکا د مرکزي قوماندانۍ مشر جنرال فرېنک مکنزي. عکس له ارشیفه

د امریکا یو لوړ پوړی پوځي جنرال فرېنک میکېنزي وايي، داعش ډله لا هم په افغانستان کې ډېر پرېشانه کوونکی وجود لري.

خو د ده په وینا، داسې نه ښکاري چې په امریکا کې دې برید وکړای شي هغه ځکه چې تر دېر فشار لاندې ده.

جنرال فرېنک میکېنزي د جون پر ۱۲مه خبریالانو ته ویلي چې په افغانستان کې موجوده دا ډله بلکل دا خواهش لري چې په امریکا کې برید وکړي.

خو د جنرال فرېنک میکېنزي په وینا، تر څو چې امریکا پر دې ډله فشار وساتي تر هغه وخته به د دې ډلې لپاره دا ګرانه وي چې په امریکا کې برید وکړي.

تر دې وړاندې اسوشیېټډ پریس په روانه اونۍ کې د افغان او امریکايي امنیتي چارواکو له خولې لیکلي وو چې داعش ډله د نویو غړو په ګمارلو سره خپل وجود پراخوي او په امریکا او نورو مغربي هېوادونو د بریدونو پلانونه جوړوي.

افغان ځواکونه په هلمند کې پراخه پوځي عملیات پیلوي

په هلمند کې د افغان ځواکونو عملیات به په لنډ وخت کې پیل شي. عکس له ارشیفه

د افغانستان حکومت وايي، په هلمند ولایت کې د طالبانو پرضد پراخ پوځي عملیات پيلوي.

د هلمند والي تورن جنرال محمد یاسین د جون پر ۱۳مه مشال راډيو ته وویل چې پر یو وخت به څلور اړخیز عملیات روان وي.

د ده په وینا، یو لنډ مهاله عملیات دي، بل ستراتیژيک عملیات دي، بل د کومانډو عملیات دي او څلورم هم هوايي بریدونه دي.

د دې عملیاتو د پیلېدو په اړه نور مالومات نه دی ورکړل شوي.

په هلمند کې وسله وال طالبانو د افغانستان د نورو سیمو پرتله زیات فعال دي.

افغان ولسمشر وايي د سولې په باب رغنده بحثونه روان دي

محمد اشرف غني د افغانستان د سولې لپاره د امريکا د بهرنيو چارو وزارت له ځانګړي استازي زلمي خليل‌زاد سره

د افغانستان ولسمشر وايي، د افغانستان، د امريکا متحدو ايالاتونو او اروپايي ټولنې ترمنځ د سولې په اړه رغنده بحثونه روان دي.

محمد اشرف غني دا څرګندونې نن د چهارشنبې په ورځ د افغانستان د سولې لپاره د امريکا د بهرنيو چارو وزارت له ځانګړي استازي زلمي خليلزاد سره په کتنه کې وکړې.

د جمهوري رياست د اعلاميې په حواله، ولسمشر غني ويلي چې جرمني به د سولې په مسئله کې د اسانتيا برابروونکي نقش ولوبوي.

په وروستيو کې جرمني د بين الافغاني خبرو د کوربه‌توب لپاره چمتووالى ښوولى و.

د اعلاميې په حواله، ولسمشر غني ويلي د افغانستان حکومت د سيمه‌ييزې اجماع د ايجاد لپاره عملي پروګرامونه لري چې په عملي کولو سره به يې دغه اجماع لا پياوړې شي.

زلمي خليلزاد ويلي، د افغانستان د سولې په مسئله کې د سيمې د هېوادونو نقش مهم دى.

زلمى خليلزاد چې تر اوسه يې شپږ ځله په قطر کې د طالبانو له استازیو سره کتلي، د افغانستان سيمې او اروپا په اووم سفر وتلى دى.

هغه تردې مخکې په بلجيم، تر هغه وړاندې په جرمني او بيا په پاکستان کې د افغانستان د سولې پر مسئله له چارواکو سره خبرې کړي دي.

په پام کې ده د افغانستان د سولې لپاره د امريکا د بهرنيو چارو وزارت ځانګړى استازى خليلزاد به متحده عرب اماراتو او قطر ته هم لاړ شي.

تخار کې ١٥ وسله‌وال 'وژل' شوي

د تخار ولايت چارواکي وايي، په خواجه غار ولسوالۍ کې یې ١٥ وسله‌وال طالبان وژلي دي.

د تخار د والي وياند محمد جواد هجري نن د چهارشنبې په ورځ ازادي راډيو ته وويل، وسله‌والو د ولسوالۍ پر بازار حمله کړې وه چې د افغان امنيتي ځواکونو له خوا پر شا وتمبول شول.

هجري وايي، وروسته جګړه شوې چې په نتيجه کې يې ١٥ وسله‌وال طالبان وژل شوي او ١٠ تنه نور ټپيان شوي دي.

بل‌خوا د تخار ولايت د نمک اب ولسوالۍ لپاره د وسله‌والو طالبانو نظامي مسؤل وژل شوى دى.

د تخار د امنيې قوماندانۍ وياند عبدالخليل اسير ازادي راډيو ته وويل چې د طالبانو پوځي مسؤل، ملا عبدالقيوم په هغو عملياتو کې وژل شوى چې له دوو ورځو په نمک اب ولسوالۍ کې روان دي.

په بل خبر کې د ملي امنيت عمومي رياست وايي، د هرات په کرخ ولسوالۍ کې په يوه جګړه کې ٢ پاکستاني وسله‌وال نيول شوى او بل يې وژل شوى دى.

د پروان ولايت امنيتي چارواکو بيا ويلي چې تېره شپه په بګرام ولسوالۍ کې د ملي امنيت په ځانګړو عملياتو کې ٢ وسله‌وال طالبان وژل شوي او ٨ نور ټپيان شوي دي.

د کاپيسا ولايت په تګاب ولسوالۍ کې هم د افغان ځواکونو له خوا عمليات شوي دي.

يوې امنيتي سرچينې د نوم نه ښوولو په شرط ويلي، په دغو عملياتو کې چې تېره شپه شوي ٣ وسله‌وال طالبان او يو ملکي وګړى وژل شوي دي.

افغانستان د امنيت له پلوه په وروستي کتار کې

افغانستان د امن له پلوه په فهرست کې په اخري نمبر دی.

یوه نوې څېړنه ښيي چې په پنځو کالو کې نړۍ په اول ځل په لږه اندازه زیاته پرامنه شوې ده خو تېرو لسو کلونو ته په کتو سره بیا هم هومره پرامنه نه ده.

د دې وجوهات په منځني ختیځ کې شخړې، په ترهه ګرۍ کې زیاتوالی، د کډوالو شمېر زیاتېدل او نور عوامل ښودل شوي دي.

د سولې او اقتصادي چارو د څیړنې اسټرالیا مېشتې ادارې لخوا د امن په حواله کلنۍ نړیواله درجه بندي چې د جون پر دولسمه خپره شوه، پکې ایس لېنډ له ۱۱ کالو راهیسې تر ټولو پرامنه هېواد بلل شوی دی. د څېړنې له مخې نیوزي لینډ، اسټریا، پرتګال او ډنمارک په لومړیو پنځو پرامنه هېوادونو کې شامل دي.

افغانستان د امن له پلوه په فهرست کې په اخري نمبر دی. مخکې شام په اخري نمبر و. یمن او عراق هم ناامنه هېوادونه بلل شوي دي.

شمالي وزیرستان کې دوه تنه وژل شوي

سېشنه/نهې ورځ د شمالي وزیرستان په تحصیل دوڅلي (دوسلي) کې دوه کسان وژل شوي دي.

انتظامي چارواکي او د سیمې اوسېدونکي وايي د شپې مهال ډزې وشوې او سهار د دوه کسانو مړي و موندل شول چې د شناخت لپاره میرامشا هسپتال ته وړل شوي دي.

تر اوسه پيژنګلوي نه ده شوی چې وژل شوي کسان څوک دي.

په وزیرستانونو کې وخت په وخت د دغه ډول مرموزو وژنو راپورونه مخې ته راځي. پښتون ژغورنه غورځنګ په سیمه کې د دغسې وژنو، ښخ کړیو ماینونو، د ورکو کسانو عدالتونو ته وړاندېکولو لپاره په خپلو ولسي غونډو کې بیا بیا غوښتنه کوي.

کندهار: چاودنې شپږ ولسي وګړې وژلي

چارواکي وايي په کندهار کې شپږ ولسي وګړي د سړک غاړې په بمي چاودنه کې وژل شوي دي.

د ولايت د پوليسو وياند قاسم افغان وويل، دغه چاودنه د جون پر ۱۱مه په ډنډ ولسوالۍ کې د سپرلو پر يو ګاډي شوی.

ويل کېږي وژل شوي ټول د يوې کورنۍ غړي دي چې پکې څلور ماشومان دي.

لا هم چا د پېښې ذمه واري نه ده منلې خو د ډنډ ولسوال حاجي عبدالله ويلي دي چې بم طالبانو په هغه سړک باندې ايښودې وو چې زياتره پرې بهراني او افغان سرتېري تګ راتګ کوي.

باجوړ کې چاودنې درې کسان ټپیان کړي

په باجوړ کې چاودنې د يوې ماشومې په ګډون درې کسان ژوبل کړي دي.

د باجوړ مرستيال کمشنر دفتر مشال راډیو ته ويلي دي چې دغه چاودنه د جون پر ۱۱مه غرمه د سالارزو تحصيل په سنګو کلي کې شوې.

کمشنر زياتوي د سيمې کروندګرو د کور جوړولو لپاره شګه راوړه چې په شګه کې ښخ لاسي بم وچاودېدو.

د چاودنې ذمه واري چا نه ده منلې.
یاده دې وي چې د روانې مياشتې په اوومه نېټه هم د باجوړ په مامینزو کې دا قسمه چاودنې یوه نهه کلنه ماشومه وژلې وه او د دې دوه خویندې يې ژوبل کړې وې.

د متحده قامي مومنټ مشر الطاف حسین ګرفتار

لندن پوليسو په خپل بيان کې د نيول شوي تن نوم نه دی ښودلی خو بي بي سي وايي چې د متحده قامي مومنټ د دې خبر پخلی کړی چې سکاټ لېنډ يارډ پوليسو نن په لندن کې د الطاف حسېن په کور چاپه ووهله او هغه یې له ځان سره یووړ.

بلخوا د لندن مېټرو پولېټڼ پوليسو پر ټوېټر خپل يو بيان کې ويلي دي چې نن يې يو تن ګرفتار کړی دی. او د دوی په خبره د دې معاملې تعلق په پاکستان کې د متحده قامي مومنټ سره د تعلق لرونکي د يو تن لخوا له ويناګانو سره دی.

متحده قامي مومنټ يا پاکستان حکومت په رسمي توګه لا پر دې اړه څه نه دي ويلي.

'پکتیکا کې دوه ماین ښخوونکي لاس په لاس ونیول شول'

په پکتیکا کې د افغان ځواکونو عملیات. عکس له ارشیفه

د پکتیکا ولایت امنیتي چارواکي وايي، چې تېره شپه د یاد ولایت د پولیسو لخوا د جاني خېلو ولسوالۍ په مربوطاتو کې دوه ماین ښخوونکي همدارنګه په وازېخوا ولسوالۍ کې له چاودیدونکو توکو ډک یو موټرسایکل نیول شوي دی.

د جون پر ۱۱مه د پکتیکا د امنیه قوماندانۍ ویاند شاه محمد ارین مشال راډیو ته وویل، چې پولیسو په جاني خېلو کېدوه تنه په داسې حال کې نیولي چې عملاً پر ماین خښوولو بوخت ول.

ارین وايي چې نیول شوي کسان به د لومړنیو تحقیقاتو تر بشپړولو وروسته عدلي او قضايي ادارو ته ورو پېژندل شي.

دی زیاتوي، د پکتیکا د وازېخوا په ولسوالۍ کې هم د پولیسو لخوا د چاودیدونکو توکو ډک یو موټر سایکل چې د چاودنې لپاره عیار شوی وو نیولی، خو په تور يې څوک نه دي نیول شوي.

وسله والو تر اوسه په دې اړه رسنیو ته څه نه دي ویلي.

افغان ځواکونو کندهار کې د نهو وسله والو د وژولو ادعا کوي

د افغانستان د کندهار امنیتي چارواکي وايي، په میوند ولسوالۍ کې د عملیاتو او د ماینونو د چاودنو له امله نهه وسله وال وژل شوي دي.

دغه پېښي د جون پر۱۰مه ناوخته د میوند ولسوالۍ په بند تېمور سیمه کې شوي.

د کندهار د امنیه قوماندان سکرتر قسیم مشال رادیو ته وویل، لومړی برید د ملي اردو هوايي ځواکونو کړی او پر مهال يې په دوو موټرونو او یو موټر سایکل سپاره وسله وال په نښه کړې.

د قسیم ازاد په وینا د مخالفینو دوه موټرونه او موټر سایکل تخریب شوي او درې چلوونکي يې وژل شوي دي.

قسیم ازاد دغه راز وویل، د بند تېمور په سیمه د یوه مړی ترڅنګ د وسله والو د ماینونو جوړولو په یوه کور کې چاودنه شوې او پر مهال يې شپږ ماین جوړونکي وژلي دي.

وسله والو طالبانو تر اوسه په دې اړه رسنیو ته څه نه دي ویلي.

بلخوا د پکتیکا ولایت امنیتي چارواکي وايي، چې تېره شپهد یاد ولایت د پولیسو لخوا د جاني خېلو ولسوالۍ په مربوطاتو کې دوه ماین خښوونکي همدارنګه په وازېخوا ولسوالۍ کې له چاودیدونکو توکو ډک یو موټرسایکل نیول شوي دی.

د جون پر ۱۱مه د پکتیکا د امنیه قوماندانۍ ویاند شاه محمد ارین مشال راډیو ته وویل، چې پولیسو په جاني خېلو کېدوه تنه په داسې حال کې نیولي چې عملاً پر ماین خښوولو بوخت ول.

ارین وايي چې نیول شوي کسان به د لومړنیو تحقیقاتو تر بشپړولو وروسته عدلي او قضايي ادارو ته ورو پېژندل شي.

دی زیاتوي، د پکتیکا د وازېخوا په ولسوالۍ کې هم د پولیسو لخوا د چاودیدونکو توکو ډک یو موټر سایکل چې د چاودنې لپاره عیار شوی وو نیولی، خو په تور يې څوک نه دي نیول شوي.

وسله والو تر اوسه په دې اړه رسنیو ته څه نه دي ویلي.

مالي: پونده او ښکاریان ښکر په ښکر، ۹۵ تنه وژل شوي

رپوټونه وايي، د افریقايي هېواد مالي د مرکزي سېمې په یو کلي کې لږ تر لږه ۹۵ کسان وژل شوي دي.

په دغه کلي کې د دوګون قبیلې خلک مېشت دي.

ځايي چارواکو په دوشنبه وویل د نهې په شپه په دغه پېښه کې وسله والو په کونډو ضلع کې برید کړی.

د مالي یوې ځايي سرچینې ویلي د دغه کلي نېږدې ټول وګړي وژل شوي.

په مالي کې د ښکاري دوګون قبیلې او د پونده فولاني قبیلې ترمنځ تل نښتې کېږي.

په مارچ کې وسله والو د بورکینا فاسو پولې ته څېرمه تر ۱۰۰ زیات فولانيان وژلي ول چې شک یې پر دوګونیانو کېږي.

په قزاقستان کې په سلګونو مظاهرچیان نیول شوي

په قزاقستان کې مظاهرې: انځور له ارشیفه.

له قزاقستانه رپورټونه وايي چې د جون پر۱۰مه چارواکو د الماتی ښار په ځینو ضلعو کې مظاهرچیان نیولي دي.

دا په داسې حال کې ده چې د جون پر نهمه د ولسمشریزو انتخاباتو د سرکاري نتیجو خلاف په سلګونو خلک د احتجاج لپاره راغونډ شوي ول.

دا مظاهرچیان د جون پر۱۱مه سهار وختي له هغې وروسته ونیول شول چې له ۱۰۰ زیات احتجاج کوونکي د جون پر ۱۰مه ناوخته د پولیس د یوې ودانۍ مخې ته راغونډ شول او د مشهور سندرغاړي رینات زېتوف ترڅنګ د لسګونو نیول شویو مظاهرینو د خوشي کولو غوښتنه یې کوله.

دغه کسان د جون پر ۱۰مه هغه مهال نیول شوي ول چې د الماتی ښار په مرکز کې یې د ولسمشریزو انتخاباتو د سرکاري نتیجو خلاف احتجاج کاوه.

نړیوالو څارونکو ویلي چې په دې انتخاباتو کې د بنیادي ازادیو ښکاره سرغړونه شوې ده.

د ابتدايي نتیجو تر مخه په دې انتخاباتو کې عبوري ولسمشر قاسم ژومارت توکاییف له ۷۰ فیصده زیاتې رایې ترلاسه کړي.

نوموړی پخواني ټولواکه ولسمشر نورسلطان نظرباییف خپل ځای ناستی ټاکلی وو. په قزقستان کې له تېرو دریو لسیزو راهیسې په اول وار د ولسمشرۍ لپاره انتخابات وشول.

کندهار کې لس طالبان له خپلو باروتو وژل شوي: پولیس

د کندهار یو انځور

د کندهار پولیس وايي، د وسله‌والو طالبانو د ماین جوړونې په یوه کارخانه کې چاودنې د شپږو پاکستانیانو په ګډون ۱۰ تنه وسله‌وال وژلي او دوه نور ژوبل شوي دي.

د کندهار د پوليسو ویاند جمال ناصر بارکزي ازادي راډيو ته وویل، د ماين چاودنه د کندهار د سپين بولدک ولسوالۍ د ولي شاه مغازې په سرحدي سيمه کې نن سهار ۱۰ بجې شوې.

د بارکزي په خبره، د وسله‌والو د ماين جوړولو ياده فابريکه ډیورند کرښې ته نږدې پرته وه.

وسله‌والو طالبانو تر اوسه په دې اړه رسنیو ته څه نه‌دي ویلي.

تر دې مخکې د کندهار امنیتي چاوراکو ویلي وو چې تېره شپه په دې ولایت کې د افغان ځواکونو په عملياتو کې ۱۰ تنه وسله‌وال وژل شوي او ۶ نور ژوبل دي.

قزاقستان ټاکنې: توکایف مخکې دی

لنډمهالی ولسمشر قاسم ژومارت توکایف

په قزاقستان کې د یکشنبې انتخاباتو لومړنۍ نتیجې ښيي چې لنډمهالی ولسمشر قاسم ژومارت توکایف زیاتې رای ګتلې دي. په هغه هېواد کې د جون پر نهمه د سلګونو خلکو د نیول کېدو له وجې د انتخاباتو عمل د ستونزو ښکار شو.

توکايف پخواني ولسمشر نور سلطان نظربايف خپل ځایناستی ګومارلی وو.

لومړنۍ پايلې ښيي چې توکاييف تر ٧٠ فيصده زياتې رايې ترلاسه کړي.

د ولسمشر څوکۍ يو بل کانديد پخوانى خبریال امير جان قوسانوف ۱۵ اعشاریه ۳۹ فيصده رايې ګټلې دي.

تمه کېږي د انتخاباتو رسمي پايلې د جون پر ۱۰مه اعلان شي.

تر دې مخکې په قزاقستان کې د ولسمشريزه ټاکنو د کمپاين پر مهال د انتخاباتو په شفافه توګه نه ترسره کېدو خلاف مظاهرې هم شوې وې. په پلازمينه الماتا کې د پرونيو هغو پر ضد پوليسو چټک اقدام وکړ او تر ۱۰۰ زیات کسان يې ونيول.

مظاهره چيانو له خلکو د رايو نه کارولو غوښتنې کولې.

اروپايي هېوادونه دې د ایران پوځي وړتیاوو پر پراخولو نیوکې نه کوي: ظریف

له ارشیفه د ایران بهرنیو چارو وزیر محمد جواد ظریف

د ایران بهرنیو چارو وزیر محمد جواد ظریف ويلي، اروپايي هېوادونه دې د دوی د پوځي صلاحیتونو زیاتولو پر هڅو له نيوکو ډډه وکړي.

د ایران سرکاري میډیا په یکشنبه د جواد ظریف په حواله وويل، اروپايي هېوادونه صلاحيت نه لري چې د ایران او د نړی د طاقتورو هېوادونو ترمنځ د ۲۰۱۵م کال له اټومي تړون پرته په نورو معاملو تنقید وکړي.

نوموړي دا څرګندونې په داسې وخت کې کړې چې د جرمني بهرنیو چارو وزیر هیکو ماس د دې لپاره ايران ته د سفر پلان لري چې له هغه هېواد سره د اټومي وسلو د نه پراخېدو د تړون خوندي ساتلو پر لارو چارو خبرې وکړي.

فرانسه، برېتانیا او جرمني چې دا تړون یې لاسلیک کړی، هڅه کوي چې په ۲۰۱۸ز کال له يادې لوظنامې د امریکا د وتلو د یو اړخیزې فیصلې باوجود دغه تړون پرځای وساتي.

نور پورته کړئ

ځانګړې پاڼې

د مشال ځانګړې پاڼې

له موږ سره اړیکي

XS
SM
MD
LG