وليد خان: ډاکټرانو د مړيو په قطار کې کېښودم
د ۲۰۱۴م کال د ډيسمبر پر ۱۶مه نېټه د پېښور ارمي پبلک سکول په بريد کې محمد وليد خان ژوبل شوی و. هغه لومړی زده کوونکی و چې وسله والو په ډزو ويشتلی و. نوموړی شپږ ګولی پر مخ لګېدلی و چې ورسره يې زامه، غاښونه او د پوزې هډوکي مات شوي وو خو اوس يې لاهم د بريتانيې په يوه روغتون کې درملنه روانه ده او هلته په يونيورسټي اف برمنګهم سکول کې په نهم جماعت کې زدکړي کوي. نوموړي مشال راډيو ته خپله ويډيو رالېږلې چې ګل اياز ايډيټ کړې ده.