کابل: کرکټ بورډ ته نږدې ځانمرګي برید درې تنه وژلي
د افغانستان کرکټ بورډ سره نېږدې په ځانمرګي برید کې درې تنه وژل شوي او پنځه تنه نور ټپيان دي. د کابل د امنیې قوماندانۍ ویاند بصیر مجاهد د چارشنبې پر ورځ ازادي راډيو ته وویل، يوه ځانمرګي غوښتل چې د کابل نړیوال لوبغالي ته داخل شي خو د امنیتي ځواکونو له خوا تر پېژندل کېدو وروسته یې ځان ته چاودنه ورکړه او ياده مرګ ژوبله يې واړوله. ویډیو او ایډیټ: ولي سباوون او تمیم اخکر