د سعودي عرب د کورنیو چارو وزارت وايي دې ځانمرګي تېره ورځ په حرم شريف کې پر هغو زیارت کونکو د بريد تياري کوله چې د روژې د ورستۍ جمعې یا جمعة الوداع پر موقع دې ځاي ته د عبادت لپاره په لکونو خلک ورغلي وو.
چارواکي وايي ، دې کس هغه وخت ځان ته چاودنه ورکړه چې پولیس پر هغ کور را وګرځېدل په کوم کې چې دی پټ شوی وو.
چارواکي وايي چې په دې پېښه کې د دې کور دوه پوړه ودانۍ نسکوره شوې ده او د پنځو عسکرو په ګډون ۱۱ تنه ټپي شوي دي.
د سعودي چارواکو په وینا ، تر اوسه یې د يوې ښځې په ګډون پنځه وسله وال نیولي دي.
