اپرېدی: غلام خان بندر به تر اختر وروسته پرانستل شي
د شمالي وزیرستان پولیټیکل ایجنټ کامران اپرېدی وايي، تر اختر وروسته به د غلام خان بندر د تجارت لپاره پرانستل شي. دا خبره کامران اپرېدي د سېشنبې په ورځ ناوخته له مشال راډیو سره په مرکه کې وکړه. هغه وویل، دا پرېکړه د پاکستان حکومتي او پوځي چارواکو په سلا مشوره کړې ده. د پاکستان او افغانستان د سرحدي ځواکونو ترمنځ د نښتو له کبله پاکستان په تېر یوه کال کې لږ تر لږه درې ځله له افغانستان سره مهمې لارې د هر ډول تګ راتګ لپاره تړلې دي.