د افغانستان شمال ختیځ د پولیسو عمومي قومانداني وايي، د تخار ولایت د خواجه غار ولسوالۍ ټولې برخې له وسله والو پاکې شوي دي.
د سپین زر زون د پولیسو د قوماندانۍ ویاند محفوظ الله اکبري د دوشنبې په ماځیګر رسنیو ته وویل چې په خواجه غار ولسوالۍ کې د افغان امنیتيو ځواکونو په ګډو عملیاتو کې وسله والو ته زیاته مرګ - ژوبله اوښتې او لږ تر لږه د پنځو تنو مړي د جګړې په میدان کې پاتې شوي دي.
خواجه غار او درقد د تخار ولایت ناامنې ولسوالۍ دي.
محفوظ الله اکبري د درقد ولسوالۍ په اړه وویل چې امنیتيو ځواکونو هلته هم عملیات پیل کړي او جګړه لا هم روانه ده.
وسله والو تراوسه په دې اړه څه نه دي ویلي.
