د لاسرسي ځای

په هري پور کې یو خبريال وژل شوی دی


د خېبر پښتونخوا په هري پور ضلع کې نامعلومه وسله والو یو خبريال بخشش علايي وژلی دی.

د هري پور ضلعې د پوليسو مشر شهزاد نديم خبريالانو ته ويلي چې دوی د پېښې پلټنې کوي او ژر به ملزمان ونيول شي.

د وژل شوي خبريال ورور محمد ارشد ويلي د ناپېژاندو کسانو پرضد یې مقدمه درج کړې او ويلي يې دي چې د دوی له هېچا سره دښمني نه لري.

بخشش علايي د اردو ورځپاڼې کې - ټو ټايمز او اخبار خېبر د هري پور ضلعې بيورو چيف وو.

د بخشش علايي د وژنې پرضد نن په ټول ملک کې د خبريالانو سازمان پي اېف يو جی پشمول يو شمېر تنظيمونو د احتجاجونو اعلان کړی دی.

XS
SM
MD
LG