د امریکا ولسمشر ډونلډ ټرمپ او د فلسطین ولسمشر محمود عباس د چارشنبې په ورځ په سپینه ماڼۍ کې خبرې کړي دي او په مینځني ختیځ کې د سولې یو تړون ته د رسېدو هیله يې ښودلې ده.
ولسمشر ټرمپ ویلي دي چې د اسرایل او فلسطین ترمنځ امن رامنځ ته کول غواړي او دا کار به سر ته رسوي.
ولسمشر محمود عباس هم هیله څرګنده کړه چې دوی د سولې په اړه د هڅو بریالي کولو صلاحیت لري او ولسمشر ټرمپ د سولې بهیر د سر ته رسولو هوډ څرګند کړی دی.
