د لاسرسي ځای

د افغانستان جمهوري ریاست وایي،ولسمشر محمد اشرف غني د دفاع وزیر عبدالله حبیبي او د لوی درستیز قدم‌شاه شهیم استعفاوې ومنلې.

دا خبره د جمهوري ریاست مرستیال ویاند دوا خان مینه‌پال ازادي راډيو ته وکړه.

ځینو سرچینو ازادۍ راډيو ته وویل چې د ملي دفاع وزیر، لوی درستیز او د ۲۰۹ شاهین قول اردو درې قوماندانان پر په بلخ کې د قول اردو د وروستۍ خونړۍ حملې په تړاو له دندو لیرې کړل شوې دي.

سرچینې دا هم ویلي چې طارق بهرامي د افغانستان دفاع وزارت د سرپرست او شریف یفتلي د لوی درستیز په توګه ټاکل شوي دي.

دغه‌راز له ارګه خپره شوې خبرپاڼه کې راغلي چې د ۲۰۷ ظفر قول اردو قوماندان امان‌الله د ۲۰۹ شاهین قول اردو د قوماندان په توګه ټاکل شوی دی.

دا په داسې حال کې ده چې وسله‌والو طالبانو د جمعې په ورځ په بلخ کې پر ۲۰۹ شاهین قول اردو حمله وکړه او د ځينو سرچینو په وینا په دې حملې کې ۱۴۰ سرتېري وژل شوي او لسګونه نور ټپیان شوي دي.

ستاسې نظر

تبصرې ښکاره کړئ

د مشال ویډیوګانې، انځورونه

انځورونه، ویډیوګانې

تفصیل...
XS
SM
MD
LG