هو د مدرسو په نامه تربیتي مرکزونه شته. مولانا واسع
د بلوچستان اسمبلۍ کې د حزب اختلاف مشر او د جمعیت علماء اسلام پارلېماني مشر مولانا واسع د وایس آف امریکا له ډیوه راډيو سره د دغه صوبې د کورنيو چارو وزیر سرفراز بګټي پر څرګندونو نیوکې کړې چې ویلي یې ول چې د صوبې په مدرسو کې یې په زرګونه افغان طالبان دیني زدکړې کوي. مولانا واسع زیاته کړه، ځینې داسې ځایونه دي چې هغه په حقیقت کې تربیتي ځایونه [روزنیز مرکزونه] دي او د مدرسې نوم یې پرې لیکلی وي. د نوموړي په خبره دا د کورنیو چارو د وزیر خپلې مدرسې دي. د کورنيو چارو وزیر پوهېږي او خپلي مدرسی یې پوهېږي، زموژ پر خوا یې ولې پورې وهي. له نوموړي سره د مشال راډيو خبریال ایوب ترین ویډيو مرکه کړې