د لاسرسي ځای

تازه خبر

حزب اسلامي: حکومت مو تر اوسه بندیان نه دي خوشې کړي


د حزب اسلامي مشر ګلبدین حکمتیار

حزب اسلامي وايي تر اوسه افغان حکومت د دوی یو سیاسي بندي هم نه دی خوشی کړی.

په کابل کې د دغه ګوند ویاند حشمت الله ارشد نن مشال راډیو ته وویل چې دوی وړاندې افغان حکومت ته د پنځه سوه سیاسي بندیانو لیست سپارلی خو تر اوسه یې یو هم نه دی خوشی شوی.

" د زندانیانو هغه لوی لیست چې د حزب اسلامي په دفترونو کې موجود دی، د پنځه سوو کسانو لیست کمېسیون ته سپارل شوی او موظف کمېسیون ویلي وو چې له دې ډلې یې د سلو کسانو دوسیې څیړلي، باید په همدې اوونۍ کې دغه سل کسه ازاد شوي وای خو له بده مرغه دغه کار نه دی شوی."

ښاغلي ارشد انتقاد وکړ چې د افغان حکومت له لورې له حزب اسلامي سره د سولې د شوې هوکړې د عملي کیدو چارې ټکنۍ پر مخ ځي.

د ارشیف انځور
د ارشیف انځور

شاخوا څلور میاشتې وړاندې د افغان حکومت او د ګلبدین حکمتیار په مشرۍ د حزب اسلامي ترمنځ د سولې هوکړه لیک لاسلیک شو چې له مخې یې باید افغان حکومت د نورو ژمنو ترڅنګ ددغه حزب ټول سیاسي بندیان ازاد کړي وای.

د مشال ویډیوګانې، انځورونه

انځورونه، ویډیوګانې

د تېڅو ناکامورا ژوند ته کتنه
تم شئ

هېڅ میډیايي سرچینه اوس نشته

0:00 0:01:11 0:00
تفصیل...
XS
SM
MD
LG