افتاب شېرپاو وايي مرکز باید د پښتنو ګټې تر پښو لاندې نه کړي
د پاکستان قامي وطن پارټۍ مشر افتاب احمدخان شېرپاو وايي د پاکستان مرکزي حکومت دې د چین سره د اقتصادي پروژې په بهیر کې پښتنو ته د هغوی حقونه ورکړي. نوموړي په شوکدر کې یوې غونډې ته د وینا پر مهال دا هم وویل چې دوی د قبایلي سیمو په خیبر پښتونخوا صوبه کې د شاملولو طرفداره دي. ښاغلي شېرپاو دا څرګندونې د شوکدر تحصیل په میا پټي او شهید بانډه کې د باراني بندونو د پرانیستې پر مهال وکړې. د مشال خبریال شهنواز ترکزی پرې راپور لري.