د لاسرسي ځای

په شام کې د روسیې او ترکیې په منځګړتوب د اوربند توافق د هغه هېواد پر وخت بېګا د شپې له ۱۲بجو څخه عملي کېدل پیل شوي.

دا د سېپټېمبر له میاشت راهیسې لومړی اوربند دی چې په ټول هېواد کې عملي کېږي.

هغه مهال د تاوتریخوالي یو شمېر پېښو له کبله اوربند تر یوې اوونۍ وروسته مات شوی وو.

د شامي ولسمشر بشار الاسد مهم ملګري روسي ولسمشر ولادمیر پوتین تېر ماښام اعلان وکړ چې شامي حکومت او مخالفانو یې په ټول هېواد کې د اوربند توافق لاسلیک کړی دی.

پوتین وویل، د اوربند عملي کولو لپاره پر یوه بل هوکړه لیک هم لاسلیک شوی دی. دا اعلان تر هغې څو ورځې وروسته شوی چې شامي حکومت د شمالي ښار حلب ټول واک تر لاسه کړ او له هغه ځایه یې هغه ټول یاغیان و ایستل چې له ۲۰۱۲ز راهیسې یې د ښار ختیځ نیولی وو.

XS
SM
MD
LG