د لاسرسي ځای

بلوچستان کې د ګوزڼ نویو پېښو له وجې کمپاین غځول کېږي


د بلوچستان په کوټه او عبدالله کلا ولسوالیو کې یو ځل بیا د ګوزڼوایرس د ښکاره کېدو له امله صوبايي حکومتپه کوټه، پښین او عبدالله کلا کې د ګوزڼ ضد لاپسې غځولی دی.

داخبره په کوټه کې دپولیو ضد ایمرجنسې مرکز ویاند ظفربلوڅ ومشال راډیو ته وکړه. د حکومتي پرېکړي له مخې به اوس په یادو درو ولسوالیو کې په جنورۍ او فېبرورۍ کې د ګوزڼ ضد دوه دوه کمپاینونه ترسره کېږي چې تر اوو لاکو زیاتو ماشومانو ته د پولیو ضد څاڅکي ورکول کېږي.

دیادونې وړده چې دصوبی په نورو ولسوالیو کې د پولیو ضد درې ورځنی کمپاین په چارشنبه پای ته ورسېدلو خو د ګوزڼ وایرس له وجې به په کوټه، پښین او عبدالله کلا دا کمپاین د جمعې په ورځ هم روان وي

XS
SM
MD
LG