د لاسرسي ځای

د امریکا متحده ایالاتو په اوکراین کې د روسیې د لاسوهنې له امله د مسکو پر چارواکو نوي بندیزونه اعلان کړل چې د پوتین نېږدې کسان‌يې په نښه کړي دي.

د بندیزونو په ‎دې لېست کې ان د روسیې د ولسمشر ولادیمیر پوتین د اشپز نوم هم شامل شوی دی.

د امریکا د خزانې وزارت پرون سې شنبه دا لېست اعلان کړ چې اووه تنه روسي وګړي او په روسیه او کریمیا کې ګڼ شمېر شرکتونه په‎کې راغلي دي.

مسکو په ‎دې اړه شدید غبرګون څرګند کړی دی.

د دې هېواد د بهرنیو چارو مرستیال وزیر پرون وویل چې دا له دښمنۍ ډک اقدام دی او روسیه به‌یې ځواب ورکړي.

د ایټرټاس خبري اژانس په حواله، دې روسي چارواکي ویلي چې د دوی حکومت به هم پر امریکا د خپلو بندیزونو لېست پراخ کړي.

XS
SM
MD
LG