پر تورخم د ډرایورانو احتجاج دوام لري
په تورخم کې د باروړونکو لاریو د اتحادیې احتجاج نن(پنجشنبه) په دریمه ورځ هم دوام لري. دوی وايي چې دوی له مالیاتو سر نه غړوي خو له دوی څخه په یوه بل نامه نا- قانونه پیسې اخيستل کيږي. په کابل کې د سوداګرۍ او صنایعو خونې ویاند صیام الدین پسرلی وايي چې د باروړونکو لاریو دا احتجاج د افغانستان په څلورو زونونو کې دوام لري او زیاتوي چې دغه ستونزه يې د مالې وزارت او ولسمشر سره شريکه کړې او تمه څرګندوي چې د باروړونکو لاریو د اتحاديې ستونزې به د خبرو له لارې اوارې شي. خو داتحادیې چارواکي وايي چې تر هغو به خپل احتجاج ته دوام ورکړي چې ټولې ستونزې یې اوارې شوې نه وي. د فرهاد شینواري ویډيو