"بلوچستان کې د غربت کچه لوړه شوې ده"
د بلوچستان د کلیوالو سیمو د ملاتړ اداره وايي په یاده صوبه کې د غربت کچه په سلو کې اویاوو ته رسېدلې ده. نوموړې ادارې تېره ورځ په کوټه کې یوه غونډه وکړه. په دې موقع ویناوالو وویل چې بلوچستان یوه لویه صوبه ده او خلک یې خواره واره پراته دي چې ټولو ته د ژوند سهولتونه نه دي رسېدلي. په یاده غونډه کې د اروپايي ټولنې غړو هم ګډون درلود. د مشال خبریال ایوب ترین پرې ویډیويي راپور لري.