د افغانستان د هرات سیمه ایز چارواکي په هرات کې د نامعلومه وسله والو له لورې د یو شییعه دیني عالم د وژل کېدو خبر ورکوي.
د هرات والي ویاند جیلاني فرهاد نن (پنجشنبه) مشال راډیو ته وویل چې دغه دیني عالم د چارشنبې په ماښام له لمانځه وروسته مسجد څخه کور ته پرلاره وو چې د نامعلومه موټر سایکلو سپرو له لورې ووژل شو.
فرهاد وايي چې د افغانستان دښمنانو دغه کار د مذهبي تفرقي د رامنځته کېدو په هدف کړی دی.
د مسولینو په وینا که څه هم د پیښې عاملین په تیښته بریالي شوي خو د قضیې د څیړولو لپاره پلاوی ټاکل شوی دی.