د لاسرسي ځای

عمران خان د اسلام اباد نه تړلو فيصله ولې وکړه؟


عمران خان د اسلام اباد نه تړلو فيصله ولې وکړه؟ د پاکستان تحريک انصاف مشر عمران خان د نومبر په دومه نيټه د اسلام اباد تړلو اعلان کړی وو. دده غوښتنه وه چې وزيراعظم نواز شريف دې په پاناما اسنادو کې د خپل اولادونو نومونو په ډاګه کېدو وروسته ځان احتساب ته وړاندې کړي خو د سېشنبې په ورځ سپريم کورټ د پاناما اسنادو په اړه د مقدمې د اورېدنې پروخت وويل چې د پلټنو په اړه د طريقه کار ټاکلو فيصله به اوس عدالت پخپله کوي. تردې وروسته عمران خان ناڅاپه د اسلام اباد تړلو اعلان بېرته واخست او پرخای يې د تشکر ورځ لمانځلو اعلان وکړی. پوښتنه دا ده چې ايا د اعلان بېرته اخستو شاته د عدالتي فیصلې لاس دی او که نه نورې وجې هم شته؟ دا او ورسره نورې پوښتنې د مشال تر رڼا لاندې بحث کې د سياسي چارو پوهان فصيح ذکا او ډاکټر فيض الله جان سره څېړل شوی دي. د بحث کوربه عبدالحی کاکړ دی.

XS
SM
MD
LG