امریکا متحده ایالتونو د افغانستان له کورنیو چارو وزارت سره د۴۹۲ زرهي موټرو مرسته وکړه.
د کورنیو چارو وزارت مرستیال مرتضي رحیمي ویلي، له دې ډلې د چارشنبې په ورځ ملي پولیسو ته ۲۴۶ هاموې موټر تسلیم شول.
ښاغلي رحیمي د کورنیو چارو وزارت په ویبپاڼه کې په یوه پیغام کې د پاتې نورو موټرو په اړه داسې ویلي:
"۲۲۲ هاموې موټره پاتې دي چې ډېر ژر به پر خاصو ځواکونو، نظم عامې پوځیانو،سرحدي قطعاتو او نورو اړوندونو زونونو وویشل شي."
د کورنیو چارو وزارت مرستیال زیاته کړې چې تمه ده په نېږدې راتلونکي کې څه باندې اتیا زره میله نوې امریکايي وسلې هم ملي پولیسو ته د هغوی د لا سمبالتیا په خاطر ورکړل شي.
د کورنیو چارو وزارت چارواکي وايي چې ملي پولیسو ته د وسلو او وسایطو ورکړه د غوڅ ملاتړ د ماموریت په چوکاټ کې ترسره کېږي.
