دا غونډه به د اروپايي اتحادیې د بهرنۍ تګلارې مشره فدریکا موغریني پرانیزي او افغان ولسمشر محمد اشرف غني به ورته وینا کوي.
په دې غونډه کې د نړۍ د لږ تر لږه ۷۰ هېوادونو او ۲۰ نړیوالو سازمانونو استازي برخه لري.
د فدریکا موغیریني په وینا، په برسلز کې د افغانستان په اړه دا غونډه یوازې د مالي مرستو راغونډولو لپاره نه ده بلکې له دې هیواد سره به د نړیوالو د سیاسي ملاتړ پر دوام هم ټینګار وشي.
فدریکا موغیریني زیاته کړی چې اروپايي اتحادیه په افغانستان کې سوله او ثبات د ځان په ګټه ګڼي او د برسلز غونډه د دې تعهد د څرګندولو ښه موقع ده.
