پاکستان وايي، هندي ځواکونو د لانجې ښکار کشمیر کې د دوی دوه امنیتي سرتېري وژلي دي.
نن پنجشنبه د پاکستان پوځ ویلي دي چې د خپلو وژل شویو سرتېرو غچ (بدل) به اخلي.
پوځ زیاتوي، د کشمیر په بیمبر، کیل او لیپا کلیو کې د دواړو هېوادونو د ځواکونو تر مینځ ډزو تر شپږو ګنټو دوام وکړ.
خو د هند پوځ ویلي دي، پولې ته په نیږدې سیمه کې يې هغه ټاکلي ځایونه په نښه کړي دي چې د هند پرضد د بریدونو منصوبه بندي پکې کېدله.
