حامد اڅکزی: بلوچستان کې امنیت ساتل د امنیتي ادارو دنده ده
د کوټې پېښه کې د وژل شویو وکیلانو غم دومره دروند دی چې نه یې د هغوی کورنۍ وړای شي او نه یې صوبايي حکومت د زغملو وس لري، خو د بلوچستان حکومت له غم ځپلیو کورنیو سره نه یوازې په دغه ویر کې شریک دي بلکې د ټولو ژوبلو درملنه او علاج په حکومتي خرچه کوي او په هغه پېښه کې د ټولو نژدې ۷۳ کسانو چې ډېری یې وکیلان ول، سړي سر یو یو کروړ روپیو مرسته هم کوي. دا څرګندونې د بلوچستان د منصوبه بندۍ او پرمختیا وزیر ډاکټر حامد خان اڅکزي د مشال راډيو له خبریال شاهین بونېري سره په یوه ځانګړې مرکه کې وکړې.