د نننۍ اعلان شوې لوظنامې له مخې به دواړه هېوادونه له يو بل سره ټولې ډيپلوماټيکې اړيکې بحاله کړي چې په ۲۰۱۰م کال د اسرایلیو سمندري ځواکونو په برید کې د نهو ترکي فعالان له وژلو وروسته کړکېچن شوي ول. هغه مهال وژل شوي ترکان له فلسطینیانوسره د ملاتړ لپاره په کشتیو کې د محاصره شوې غزې تړانګې ته پرلار ول.
اسرايل به د معاوضې په ډول شل ميليونه ډالر ورکوي او ترکيه په غزه کې مرستندويه کارونو ته پرېږدي.
د اسرايل وزيراعظم بنيامين نتن ياهو نن دوشنبه په روم کې وويل چې دا پخلاينه به ناارامه منځني ختيځ ته ټېکا یا ثبات راوړي. د هغه ترکي سيال بينالي يلدېريم په انقره کې ورته اعلان وکړ.