د مشرف په بخښلو مولانا عزيز فشار کمول غواړي’
د پاکستان لال جمات پخواني خطيب مولانا عبدالعزيز د يکشنبې په ورځ د پاکستان پخواني ولسمشر جنرال پروېز مشرف د بخښلو اعلان وکړ. په ۲۰۰۷ کال کې د جنرال مشرف په واکمنی کې د لال جمات پر ضد پوځي عمليات شوي وو چې پکې د مولانا عزيز کشر ورور عبدالرشيد غازي وژل شوی وو. په هاغو عملياتو کې د وژل شوو کسانو مقدمه د جنرال مشرف پر ضد لا هم په سپريم کورت کې روانه ده. مولانا عبدالعزيز دا ګام په داسي وخت کې واخيست چې نوموړی له تېر شاوخوا يو کال راهيسې په پاکستان کې د تشدد پارولو او وسله والې ډلې داعش د ملاتړ په تور د مدني ټولنو له سياسي او قانوني فشار سره مخامخ دی. داچې مولانا عزيز د جنرال مشرف د بخښلو ګام ولې واخست؟ په اړه يې د عبدالحي کاکړ راپور واورئ.