د ننګرهار ولایت چارواکي وايي، په ناامنه سیمو کې د پوځي عملیاتو لپاره پر پلانونو کار کوي.
د ننګرهار مطبوعاتي دفتر د اتوار یا یکشنبې پر ماښام په یوه بیان کې ویلي، والي سلیم خان کندزي له امنیتي چارواکو سره په کتنه کې د دې ولایت په ناامنه سیمو کې د عملیاتي پلانونو جوړولو سپارښتنه کړې.
بیان وايي، کندزي دا سپارښتنه د یکشنبې په ورځ د ننګرهار د پوځي شورا په غونډه کې د ملي اردو او ملي پولیسو له مسوولینو سره د لیدو پر وخت وکړه.
بیان زیاتوي چې والي سلیم خان کندوزي د ګزمو او پلټنیزو عملیاتو پراخولو غوښتنه هم وکړه.