په کورمه کی د سدې بازار دکاندارانو د پوليټيکل انتظامیې په ضد د احتجاج په توګه خپل دوکانونه تړلي او بازار یې بند کړې دې.
د سدې بازار دوکاندارانو تنظيم مشر حاجي منور خان مشال راډيو ته وويل چې انتظامیې د دوی د تنظيم د صدر په ګډون اته نور دوکانداران نيولي او احتجاج به یې د دغه کسانو تر خوشېکدو دوام لري.
د ملنګ شاه په نامه د مسوزو سیمې یو ځایي کس مشال راډیو ته وویل، حکومت دې زر تر زره د سدې بازار خلاص کړي ځکه چې خلک یې له سختو ستونزو سره مخامخ کړي دي.
د پوليټيکل انتظامیۍ یو چارواکېتحصيلدار محمد رياض مشال راډيو ته وويل چې دوکاندارانو د مارکيټ مخې ته ولاړ يو کېبین په زورهلیرې کړی وو چې دا د انتظامیې په کار کې مداخلت دی.
محمد رياض زياته کړه چې له دوکاندارانو سره یې خبرې روانې دي او ډېر زر به دغه مسله هواره شي.
د کوزې کورمې په سده بازار کې د یوې شمېرې ترمخه، تر دوو زرو زیات دوکانونه او هوټلونه دي چې ورته د ګېر چاپېره سیمو خلک د خپلو ورځنیو ضرورتونه پوره کولو لپاره همدعه بازار ته ورځي.