''له امو تر اباسینه مېشت وګړي یو کلتور لري''
د پښتونخوا ملي عوامي ګوند صوبايي مشر او سېنېټر محمد عثمان خان کاکړ د سيپټېمبر پر ۲۳مه نېټه په کوټه کې د پښتنو نړیوالې کلتوري ورځې لمانځغونډې ته په وینا کې وویل چې پښتني کلتور د ټول انسانیت درناوی کوي او هېڅکله یې له پردیو ژبو کرکه او نفرت نه دی کړی. نوموړي وویل چې د پښتنو کلتور نړیوالو ته د ښودلو لپاره به سر له اوس کار کوي چې راتلونکې کال یې کلتور ورځ په لویه پیمانه ولمانځي.