ملګري ملتونه وايي ، د اوکراین په شخړه کې تر اوسه ۷۹۶۲ کسان وژل شوي او ۱۷۸۱۱ کسان ټپي شوي دي.
د ملګرو ملتونو د بشري حقونو ادارې د سېشنبې په ورځ وویل، دا سرسري شمېرې دي او اصلي شمیرې ښايي تر دې ډیر لوړې وي.
د اوکراین حکومتي ځواکونه د ۲۰۱۴م کال له اپرېل مياشتې راهيسې د دې هیواد په ختیځ کې د روس پلوه بېلتون پالو په وړاندې جګړه کوي.
د اوکراین د دفاع وزیر سټیپان پولتوراک د سېشنبې په ورځ وویل، د اوکراین پر ځواکونو په ورځ کې دوه یا څلور ځله برید کيږي او دا لړۍ د تېر یويا یو نیم کال په پرتله تر ټولو ټیټه ده.
د کريملین (روس) ویاند دیمتري پیسکوف هم په جګړه کې د کمي پخلی کړی خو اوکراین یې تورن کړی چې بیا یې هم په فبروري مياشت کې د شوي اوربند عملي کولو لپاره د پام وړ ګامونه نه دي پورته کړي.
