د لاسرسي ځای

افغان ولسمشر محمد اشرف غني او ملګرو ملتونو په کابل ښار کې پرونۍ چاودنه په سختو ټکو کې وغندله.

پرون د کابل ښار د مکرویانو په سیمه کې د یو روغتون مخې ته ځان وژونکي موټري بمي چاودنه وشوه چې د راپورونو له مخې لږ تر لږه ۱۲ کسان یې ووژل او تر شپږ شپیتو زیات یې ټپیان کړل.

له ارګ څخه یوه خپره شوې خبر پاڼه د ولسمشر اشرف غني له خولې وايي ، د هغو کسانو پر ضد به له ټولو امکاناتو کار اخیستل کیږي چې د داډول بریدونو تر شا لاس لري . ولسمشر غني زیاته کړې چې وسلوالو د افغان امنیتي ځواکونو په وړاندې توان له لاسه ورکړی او اوس یې دا ډول بریدونو ته مخه کړې چې قربانیان یې ولسي خلک دي.

بل پلو په افغانستان کې د ملګرو ملتونو مرستندویه ادارې « یوناما » هم دا برید غندلی دی. یوناما د خپل ټویټر اکاونټ له لارې په افغانستان کې د جګړې له ښکیلو لورو غوښتي چې سمدستي دې د ملکي خلکو پر ضد دا ډول بریدونه بند کړي.

د پاکستان د بهرنیو چارو وزارت هم په يو بيان کې د کابل د بريد په سختو ټکو کې غندنه کړې ده.

اخوا د وسلوالو طالبانو ویاند ذبیح الله مجاهد رسنیو ته په یو استول شوی بیان کې په دې برید کې د خپلې ډلې لاس لرل رد کړي دي .

د مشال ویډیوګانې، انځورونه

انځورونه، ویډیوګانې

تفصیل...
XS
SM
MD
LG