سېلاوونو په خېبر پښتونخوا کې ۷۷ تنه وژلي
د پشکال بارانانو او سېلاونو لړۍ لا هم د سر او مال له زیانونو سره دوام لري چې له کبله یې د ګڼو خلکو ورځنۍ ژوند له کړاونو سره مخامخ کړی دی. له قدرتي افتونو سره د مبارزې قامي اداره «اېن ډي اېم اې» چارواکي وايي، چې بارانونو او سېلاوونو تراوسه په خېبر پښتونخوا کې ۷۷ کسان وژل شوي او ۴۸ نور ژوبل دي. او په ټوله صوبه کې ۴۳۷ کورونه په مکمله توګه او څوارلس سوه څلرویشت کورونه په په جزوي توګه زیانمن شوي دي.