په کویت کې د ایران په سفارتخانه کې خبریالانو ته په خپلو څرګندونو کې ښاغلي ظریف وویل،”یوه هېواد ته ورڅېرمه هر ډول ګواښ باید د ټولو ګواښ وګڼل شي”
نوموړي زیاته کړي چې هېڅ یو هیواد هم د بلچا له مرستو پرته خپلې سیمه ایزي ستونزې نشي هوارولی.
د ایران او نړۍ شپږو طاقتورو هېوادونو تر مینځ د تهران اټومي پروګرام پر سر له تړونه پس چې په خلیجي هېوادونو کې یې اندېښنه راټوکولې، ښاغلی ظریف د سیمې پر لومړي سفر وتلی دی.
د ایران ګاونډي هیوادونه ویره لري چې د تهران اټومي تړون به په سیمه کې د شییعه برلاسي ځواک اغېز لاپسې پیاوړی کړي، چې واردمخه په ځینو هېوادونو لکه عراق، شام، لبنان، یمن او بحرین کې د لاسوهنې تور پر لګېږي.
ظریف وویل، اړتیا د دې نه ده چې ایران خپله تګلاره واړوي، بلکې د هغو هېوادونو په تګلاره کې بدلونه ته اړتیا ده چې شخړه غواړي او په سیمه کې جنګ جوړوي.
نوموړي هلته د کویت له امیر او د دغه هېواد بهرنیو چارو ویزر سره لیدلي دی. له کویت پس به ظریف عراق ته درومي.