د بکاخېل کډوالو غوښتنې ومنل شوې
د بنو په بکاخېل کډوالو کېمپ کې امنیتي ځواکونو له شمالي وزیرستانه د بې کوره کړل شوو اتمانزو وزیرو له مشرانو سره په جرګه کې د کډوالو غوښتنې منلې دي. دغه مشران وايي چې د کېمپ انتظامیه به په دریو ورځو کې دننه د کډوالو مطالبې پوره کړي. د اتوار پر ورځ بکاخېل کډوالو کېمپ کې د امنیتي ځواکونو او کډوالو ترمنځه نښته شوې وه چې پکې دوه کډوال وژل شوي او نهه نور ژوبل شوي ول. تفصیل د عمر دراز وزیر په دې ویډیويي رپورټ کې.