د لاسرسي ځای

تازه خبر

خبرونه

په هلمند کې ۳۸ وسله والو وژل شوي

د افغانستان ملي پوځ وایي، د هلمند ولایت په عملیاتو کې ۳۸ تنه وسله وال وژل شوي او ۱۰ نور ټپیان دي.

د هلمند د ۲۱۵ م نمبر میوند قول اردو په یوې خبرپاڼه کي ویلي؛ د دې ولایت د کجکې ولسوالۍ په عملیاتو کې یې ۶ تنه وسله وال وژلې او پنځه نور یې ټپیان کړي دي.

قول اردو وایي، ځواکونو یې په موسی کلا کې د وسله والو په یو شمېر پټ ځایونو عملیات کړي او له سختو نښتو وروسته ۳۲ تنه وسله وال وژل شوي او پنځه نور ټپیان دي.

پوځ وایي، عملیات دوام لري او ملکي خلکو ته کوم زیان نه دی اوښتی.

وسله والو طالبانو په دې اړه تر اوسه څه نه دي ویلي.

د نننۍ ورځې ټول خبرونه وګورئ

امریکا پر یوشمېر روسيو چارواکیو او ادارو بندیزونه لګوي 

په دغو بندیزونو کې به دغه راز د استخباراتي چارواکو په ګډون شاوخوا ۱۰ تنه هم په نښه شي. 

په پام کې ده چې امریکا د اپرېل پر ۱۵مه نن پر یو شمېر روسيو چارواکو او ادارو بندیزونه ولګوي.

رویترز او بلومبورګ د ځینو سرچینو له قوله چې پېژندګلو یې نه ده په ډاګه شوې، ویلي، دغه بندیزونه به پر شاوخوا ۳۰ هغو ادارو ولګول شي چې پروسږ کال د امریکا په انتخاباتو کې د لاسوهنې یا د امریکا حکومت او لویو شرکتونو د کمپیوټرونو په هېکولو تورنې شوې دي.

په دغو بندیزونو کې به دغه راز د استخباراتي چارواکو په ګډون شاوخوا ۱۰ تنه هم په نښه شي.

د راپورونو له مخې تمه ده چې په دغه اقدام کې به ۱۰ روسي چارواکي او ډیپلوماتان هم له دې هیواده واېستل شي.

د ولسمشر جو بایډن ادارې له څو اونیو راهیسې داسې نښې څرګندې کړې وې چې د روسیې سایبري حملو ته به سخت ځواب ورکړي.

په تورخم کې ۷۰۰ کیلو ګرامه باروت نیول شوي

د تورخم دروازه. ارشیف- انځور

د ننګرهار چارواکي وایي چې په تورخم ښارګوټي کې امنیتي ځواکونو د پلټنې پر مهال په یوه ټرالي ګاډي کې نېږدې ۷۰۰ کیلو ګرامه باروت نیولي دي.

د ولایت د رسنیو دفتر د اپرېل پر ۱۴مه رسنیو ته په استول شوې خبرپاڼه کې ویلي چې په یوه ټرالي ګاډی کې چې دال نخود یې له پاکستانه جلال اباد ته لېږدول، په ۲۶ بوجیو کې اېښودل شوي ول، چې د پلټنې پر مهال د امنیتي ځواکونو لاس ته ورغلي دي او په تړاو یې ټرالۍ چلوونکی او د هغه کیلنډر نیولي دي.

خبرپاڼه کاږي چې له چاودونکو توکو سره نیول شویو کسانو په خپل جرم اعتراف کړی دی.

بلوچستان حکومت تعلیمي ادارو ته د کورونا وبا مخنیوي لپاره د سختو اقداماتو امر کړی

د کوټې ای ټي پوهنتون تصویر له ارشیفه

بلوچستان حکومت وايي، که چرې تعليمي ادارو د کورونا وايرس په اړه حکومتي لارښووني نه عملي کوي نو سخت اقدامات به پورته کړي.

دا خبره د بلوچستان حکومت وياند لياقت شاهواني د اپرېل پر ۱۴مه (پرون)، مشال راډيو ته کړې.

دا له هغه وروسته ده چې په کوټه کې د ښځو پوهنتون سردار بهادر وويمن يونيورسټي ښوونکې ډاکټر شايسته د کورونا وايرس له وجې مړه شوه او پوهنتون وتړل شو او د دې ترڅنګ په صوبه کې څلور ښوونځي هم د کورونا پېښو پس تړل شوي دي.

لياقت شاهواني زياته کړه چې په صوبه کې د کورونا وايرس کېسونه په زياتېدو دي او په دې لړ کې تعليمي ادارې حکومتي لارښوونې نه عملي کوي.

بلخوا د مومندو قبايلي ضلعې د سرکاري سکولونو استادانو له مشال راډیو سره په خبرو کې اندېښنه ښودلې چې د کورونا وايرس مثبت کېسونه په زیاتېدو دي، او په لړ کې يې د تعلیم متعلقه چارواکو سره په څو څو وارې رابطې هم کړي دي خو تر اوسه د تعلیم وزارت په مومندو کې د سکولونو د بندولو اعلان نه دی کړی.

دا وخت د خیبر پښتونخوا په زیاترو ضلعو کې سکولونه د اپرېل تر ۲۸مې تړل شوي دي.

ننګرهار کې د شاتو کاروبار کې پانګونه زیاته شوې

چارواکي وايي، تېرکال د مچيو د فارمونو درلودونکو څه د باڅه ۴۰۰ ټنه شات ترلاسه کړي چې ډېری یې بهرنیو هېوادونو ته لېږل شوي.

د افغانستان صنعت او سوداګرۍ وزارت وایي، خصوصي پانګوالو په ننګرهار ولایت کې د مچیو شاتو ۵۰۰ وړو او لویو فارمونو کې د ۵۰ میلیونه افغانیو په ارزښت پانګونه کړې ده.

د دې وزارت ویاند فواد احمدي مشال راډیو ته وویل، دې برخه کې د پانګونې له ډیرېدو سره ۲۰۰۰ کسانو ته د کار زمینه هم برابره شوې ده.

د احمدي په خبره، اوس ۵۰ واړه او لوی شرکتونو د شاتو پروسس او بسته بندۍ برخه کې په کار بوخت دي.

د صنعت او سوداګرۍ وزارت د معلوماتو له مخې د ننګرهار ولایتو شاتو د ګلف فود په نوم نړیوال نندارتو کې چې دوبۍ کې جوړ شوی و له بهرنیو شرکتونو سره د ۱۰۰ زرو ډالرو په ارزښت تړونونو ترسره کړي دي.

شمېرې ښیي چې تېرکال د مچيو د فارمونو درلودونکو څه د باڅه ۴۰۰ ټنه شات ترلاسه کړي چې ډېری یې بهرنیو هېوادونو ته لېږل شوي دي.

حب: د فوټبال لوبه کې چاودنې لس تنه ژوبل کړي

د بلوچستان په حب ښار کې د فوټبال په يوه لوبغالي کې چاودنې د لوبغاړو په ګډون لس تنه ژوبل کړي دي.

د مشال راډيو خبريال وايي چاودنه د نهې/سېشنبې مازيګر هغه مهال وشوه کله چې په یوه لوبغالي کې پایلوبه کېدله. د پېښې ژوبل کسان د حب او کراچۍ روغتونونو ته وړل شوي دي.

د لسبېلې پولیسو اېس اېس پي طارق الاهي رسنيو ته ويلي دي چې چاودنه د فوټبال په یوه میدان کې د ناڅرګنده کسانو له لورې د اېښودل شوي بم له امله شوې ده. البته نوموړي ویلي دي چې د لا نورو پلټنو وروسته به معلومه شي چې د چاودنې ترشا څوک لاس لري.

په بلوچستان صوبه کې له تېرو څه نه څه ۱۵ کلونو راهیسې ناامنیو او چادونو ګڼو ولسي وګړو او سرکاري اهلکارانو ته مرګ ژوبله اړولې ده. که څه هم په دغه صوبه کې بلوڅ ازادي غوښتونکي او ځنې نورې تندلارې مذهبي ډلې فعالې دي خو د ډېری بمي چاودنو د سراغ او سرغنه پته و نه لګېدله.

تم شئ

هېڅ میډیايي سرچینه اوس نشته

0:00 0:03:10 0:00
د ډاېرېکټ لېنک

امریکې پېښور کې د کورونا د کنټرول او مخنیوي مرکز پرانېست

په پاکستان کی دامریکا سفارت د اپریل په ۱۳ مه د خیبر پښتونخوا د صوبایی حکومت سره په ګډه د لارښونو او کنټرول یو سیمه يیز مرکز پرانیست چی د کورونا او نورو ساري ناروغیو په کنټرول او مخنیوي کې به مرسته وکړي.


یاد مرکز چې د امریکا د نړیوالو مرستو دا ادارې (یو اېس اېډ) په مرسته چلېږي، د معلوماتي ټېکنالوژۍ څخه برخمن دی چې د خیبر پښتونخوا صوبې ۳۶ ضلعې د ناروغیو د څارنې او غبرګون مرکزونه سره نښلوي. دغه مشترکه معلوماتي مرکز به د صحت صوبایی محکمی ته د بیمارۍ او وبا په اړه رښتېني او پر وخت معلومات ورکوي.

د یو اېس اېډ مرستیال مایکل نهرباس وایي، د کوید ۱۹ وبا خطر دامریکا د متحده ایالاتو او پاکستان تر مینځ ددې مشارکت د اهمیت نشاندهي کوي چې له مخې به یې د روغتیا نظام په ټولو څانګو کې جوګه کوي چې د ولسي صحت ټولو ګواښونو ته چټک ځواب ووايي او د انسانانو ژوند وژغوري. هغه د خیبر پښتونخوا د حکومت نه مننه وکړه چې د یاد مرکز په پرانېستلو کې یې خپله ونډه واخېستله.

د خیبر پښتونخوا د محکمه صحت ځانګړي سکرتر ډاکټر فاروق جمیل د مرکز د پرانېستې په غونډه کې وویل، د صوبې د روغتیايي نظام پیاوړي کول د صوبايي حکومت له لومړیتوبونو څخه دی.

نوموړي د امریکا د مرستو څخه په مننې کولو سره وویل چې د کووېډ ـ ۱۹ پر وړاندې د صوبې د هسپتالونو پیاوړي کول او نادارو او د کلیوالو سیمو خلکو ته د روغتیايي خدمتونو رسول د خیبر پښتونخوا د روغتیا د ادارې له اساسي ستونزو څخه دي. هغه وویل، هغوی خوشاله دي چې په دې لاره کې د یو اېس اېډ مرستې ورسره دي.

پاکستانيو وګړو ته به ژر یو کلنه وېزه ورکړو: افغان سفیر

علي خېل وايي، په اسلام اباد کې افغان سفارت د اسلام اباد، پنجاب، کشمیر او ګلګت بلتستان خلکو ته وېزې ورکوي،

په اسلام اباد کې افغان سفیر وايي، ډېر ژر به د یوې نوې پالیسۍ له مخې پاکستانيو وګړو ته د درې او شپږ میاشتنۍ وېزو پرځای یو کلنه وېزه جاري کړي.

افغان سفیر نجیب الله علي خېل د اپرېل پر ۱۳مه مشال راډیو ته وویل، په اسلام اباد کې افغان سفارت د اسلام اباد، پنجاب، کشمیر او ګلګت بلتستان خلکو ته وېزې ورکوي.

د نوموړي په وینا د خیبر پښتونخوا خلک په پېښور، د بلوچستان خلک په کویټه او د سېند صوبې خلک په کراچۍ کې د افغانستان له کونسلګریو د افغانستان وېزې ترلاسه کولای شي.

د اپرېل پر ۱۲مه له خيبر پښتونخوا څخه راغليو کسانو د اسلام اباد کې د افغان سفارت بهر احتجاج وکړ چې د امنيت ټينګولو لپاره اضافي پوليس وګومارل شو.

هغوی پر دې اعتراض کاوه چې ولې ورته سفارت د افغانستان وېزې نه ورکوي.

په اسلام اباد کې افغان سفارت ته هره ورځ په سلګونو خلک چې ډېری یې د خيبر پښتونخوا وګړي دي، د ويزو لپاره ورځي، چې سعودي عرب ته د کابل له لارې تلل غواړي. دوی وايي د پاکستان په نسبت د کابل له لارې سعودي عرب ته ټیکټ ارزان دی.

د خيبر پښتونخوا اوسېدونکې د ويزو په ترلاسه کولو کې د مشکلاتو شکايت کوي او وايي په پيښور کې افغان کونسلګرې ورته ترانزیت ويزي ورکولو څخه انکاري دي چې وايي اسلام اباد کې سفارت د داسي ويزو ورکولو صلاحيت نه لري. خو د افغان سفارت ناظم الامور شاکر قرار بيا وايي کونسلګري د هر ډول وېزو د ورکولو اختيار لري او ورته د وېزو ورکولو لپاره ځانګړي هدايات ورکړل شوي دي.

هند خپلو هېوادوالو ته د کورونا روسی واکیسن سپوټنیک وي لګولو اجازه ورکړه

يوه ډاکټره د کورونا وایرس ضد ويکسين تجربه کوي.

د هند حکومت د کورونا د مخنیوي لپاره په بیړني ډول د روسي سپوتنیک وي واکسینو منظوري ورکړه.

په هند کې یو اعشاریه درې اربه وګړي مېشت دي چې د کورونا واکسینو له کمي سره مخامخ دي او پکې د کورونا وایرس دویمې څپې زور نیولی دی.

سپوټنیک وي به د کورونا د مخنیوي واکسینو درېیم قسم شي چې په دې هېواد کې د استعمالولو اجازه ولري.

د هندي ورځپاڼې ټایمز اف انډيا په یو رپورټ کې راغلي چې د داروګانو د نظم ماهرینو کمیټۍ د سپوټنیک وي په هکله سپارښتنه کړې او هیله ده چې نن(د اپرېل پر ۱۳مه) یې هند کې د داروګانو د کنټرول اداره (ډي سي جي ای) د استعمال اجازه ورکړي.

له دې وړاندې په هند کې د کورونا وایرس د مخنیوي لپاره استرا زېنیکا واکسین او په هند کې په ځايي کچه د بهارت بایوټیک لخوا جوړ شوي((کووېسین)) ته د استعمال اجازه ورکړل شوې ده.

د بشري حقونو نوموتی مبارز ای اې رحمان وفات شو

ايي اې رحمان

د پاکستان بشري حقونو مبارز او نومیالی خبریال ای اې رحمان د ۹۰ کالو په عمر کې په لاهور کې مړ شوی دی.

ای اې رحمان په ۱۹۳۰م کال کې د هند په هریاڼه کې زیږېدلی وو او له تېرو ۷۰ کالو راهيسې له خبریالۍ او بیا وروسته د بشري حقونو سره تړلی وو. نوموړي په دې برخه کې یو شمېر ایوارډونه هم اخیستي دي.

د پاکستان هرنیو چارو شاه محمود قریشي په ګډون یو شمېر خلکو د هغه پر مړینه د هغه له کورنۍ سره غمرازي کړې ده.

په بلوچستان کې۲۴ لکه ماشومانو ته د پولیو واکسين کېږي

پخوانی تصویر: په چمن کې يو ماشوم ته د پوليو واکسين کېږي

په بلوچستان کې د ګوزڼ یا پوليو ناروغۍ د مخنیوي لپاره د څاڅکو ورکولو پنځه ورځنی کمپاين نن په دویمه ورځ هم روان دی.

چارواکي وايي چې د دې کمپاين پر مهال به د صوبې ۲۴ لکه داسې ماشومانو ته د پولیو ضد څاڅکي ورکوي چې عمرونه یې تر پنځه کاله کم وي.

چارواکي وايي چې د ۱۰ زره ډلو په مرسته به د صوبې په ۲۳ ضلعو کې دا کمپاين تر سره کيږي.

تردې وړاندې د مارچ پر ۲۹ مه نېټه د بلوچستان د سرکاري ملازمينو د احتجاجي پرلت له وجې د پوليو کمپېن دوه واره ځنډول شوی وو

يو چينايي‌چارواکی وايي کوروناضد واکسين یې ډېر اغېزمن نه دي

د چين په يو روغتون کې نرسه د واکسينو د ستنې سره

په چين کې له يوه څخه بل ته سرايت کوونکو ناروغيوو (infectious) د مخنيوي ادارې مشر منلي چې د کورونا ناروغۍ پر ضد د دغه هيواد جوړ کړي واکسین کم اغېز لري.

هغه زیاتوي چې حکومت د دې واکسینو د اثر زیاتولو په موخه په دې کې د بدلون په اړه سوچ کوي.

ګاو فو د اپرېل په لسمه وويل چې دا مهال چين په رسمي توګه د دې واکسینو د ډير اغېزمنتوب د نه شتون د ستونزې په حل کولو فکر کوي او زیاته کړه یې ده چې اوس په دې فکر کوي چې ایا له کورونا وایرسه د ځان ساتلو لپاره له کومې بلې لارې او تکنیک ولاړ مختلف واکسین وکاروي که څنګه؟

دا اول ځل دی چې يو چينايي چارواکي په ډاګه منلې چې په دغه هيواد کې جوړ د کورونا ناروغۍ پر ضد واکسین کم اغېزه دي. له دغه کانفرنسه وروسته که څه هم د ګاو فو دريځ په ډيره تیزۍ خپور نه شو خو چين په ډيره تېزۍ سره په ټولنيزه ميډیا د دې موضوع په اړه خبرې سنسر کول پیل کړې.

چين دا مهال ساينوفام او ساينوواک واکسين د کورونا وایرس پر ضد کاروي. دوی دا واکسين د پاکستان په شمول د نړۍ ګڼو هېوادونو ته لېږلي دي.

له افغانستان سره پر پوله اغزن تار به تر جونه بشپړ شي

په بلوچستان کې پر ډيورنډ کرښه د پاکستان اغزن تار

د پاکستان کورنيوو چارو وزیر شېخ رشید وايي افغانستان سره په پوله د اغزن تار لګولو کار د روان کال تر جون میاشتې پورې مکملېږي.

د اپرېل په يوولسمه، شېخ رشيد په کراچۍ کې خبر یالانو ته وويل چې ايران سره پر پوله هم د اغزن تار لګول پېل شوي دي.

د نوموړي په خبره پر پوله لګول کېدونکي اغزن تارونه به د وسله والو او قاچاقبرو د تګ راتګ مخه ونیسي.

افغان حکومت پر ډيورنډ کرښه د اغزن تار لګول د ترهګرۍ حل نه ګڼي او وايي د دې لپاره دې پاکستان د وسله والو د ملاتړ پاليسي بدله کړي. اسلام اباد دريځ لري چې پر افغان طالبانو خپل اثر رسوخ د سولې لپاره کاروي.

ايران وايي‌له اسرايلو به پر ايټمي مرکز د بجلۍ د پرې کولو بدل واخلي

نطنز ايټمي مرکز

د ايران بهرنيوو چارو وزیر جواد ظريف ويلي‌چې په نطنز ايټمي مرکز کې د بجلۍ پرې کېدو غچ به واخلي. ظرف د اپرېل په دولسمه سرکاري ټيليويژن سره په خبرو کې که څه هم کوم شواهد وړاندې نه کړل خو زیاته یې کړه چې د دې کار تر شا د اسرايلو لاس دی.

ظريف وويل: ((دوی په ښکاره ويلي چې د دې (د يورانيمو غني‌کولو) اجازه به ورنه کړي. خو موږ به له يهودانو د دې بدل اخلو.))

د اپرېل په يوولسمه د ایران په په نطنز ايټمي مرکز کې بجلي پرې شوې وه چې په مبیینه ډول د اسرايلو له خوا د ګډوډۍ يو مشکوک عمل بلل شوی دی. د ایران د ايټمي انرژۍ د ادارې مشر علي اکبر صالحي د اپرېل په ۱۱مه دا کار ايټمي ترهګري بللې ده. هغه پر نړيواله ټولنه غږ کړی چې د دې ګواښ په وړاندې ودرېږي.

علي اکبر صالحي دا ونه ویل چې د دې مشکوکې تخریب کارۍ او لاملونو تر شا د چا لاس دی خو زیاته یې کړه چې ایران د ورانکارو پر ضد د ګامونو اخیستو حق لري.

په همدې حال کې د اسرايلو کان پبلک راډيو د استخباراتي سر چينو په حواله وايی چې د دې سايبر برید تر شا د اسرايلو د استخباراتي ادارې موساد لاس دی. امریکا ي ورځپاڼې نيو یارک ټايمز د امریکايي او اسرايلي استخباراتي چارواکوله قوله په يو راپور کې د دې تر شا د اسرايلو د لاس لرلو په تفصيل کې وايي چې یوې لويي چاودنې د یورېنيمو غني کولو ځمکلاندې بټيو يا سنټرفيوزونو ته د بجلۍ رسېدو نظام له منځه ويوړ.

تر دې یوه ورځ مخکې ايران ويلي وو چې په چټکۍ سره یې د يورېنيمو غني کول پېل کړې دي. د استخباراتي‌چارواکو په وينا پر نطنز اېټمي‌مرکزي ته د بجلي قطع کېدو د ايران د يورانيمو غني کولو کار نهه مياشتې شاته کړی دی.

برتانیا او امریکا د روسیې له لوري د اوکراین ناارامه کولو مخالف دي: راب

د برتانیا د بهرنیو چارو وزیر ډومېنيک راب د اپرېل په ۱۱مه ويلي چې امریکا او برتانیا د روسیې لخوا د اوکراين د غیر مستحکمولو د کمپاين سخت مخالفت کوي.

د برتانیا د بهرنیو چارو وزیر ډومېنيک راب د اپرېل په ۱۱مه ويلي چې امریکا او برتانیا د روسیې له خوا د اوکراين د غیر مستحکمولو د کمپاين "سخت مخالفت" کوي.

نومړي پر روسیې غږ کړی چې حالات دې عادي او ارام کړي.

د اوکراين پولو ته نېږدې او هغه هېواد کې دننه په مقبوضه کريميا سیمه کې په لويه پیمانه د روسي ځواکونو د نقل وحرکت ويډيو ګانو ، عکسونو او نورو تفصیلاتو هغه اندېښنې زیاتې کړې دي چې ښايي مسکو د اوکراين شمالي برخو ته د روسيو سرتېرو استولو تیاری کوي.

روسیې د غربي هېوادونو له خوا د سرتیرو د شاته کولو غوښتنې رد کړې او په روسیه کې دننه يې د ځواکونو نقل و حرکت داخلي او خپلواکه موضوع بللې ده.

روسیې دا خبره هم رد کړې ده چې ګواکې د دوی دا کار ګواښ پېښوي.

د برتانیا دا بیان له هغه یوه ورځ وروسته راغلی دی چې د اوکراين ولسمشر ويلادیمير زېلېنسکي د ترکيې ولسمشر رجب طیب اردغان له موجوده حالاتو خبر کړ.

په استنبول کې تر دې ملاقات وروسته ولسمشر اردغان موجوده پرمختګونه د اندېښنې وړ بللي او هيله يې څرګنده کړې چې د اوکراين د پولو له احترام سره به دا شخړه د خبرو اترو له لارې په سوله ییزه توګه هواره شي.

د ایران په مهمه اټومي سیمه کې د بجلۍ خرابۍ خبر ورکړل شوی 

په نطنز کې د اورنیمو غني کولو ځای - د ۲۰۱۹ز کال انځور.

د ایران په نطنز اټومي ساحه کې د اپرېل په ۱۱مه د بجلۍ د خرابۍ خبرونه ورکړل شوي دي.

تر دې يوه ورځ مخکې تهران په هغه ځای کې نوي بټۍ لګولې چې اورانیم په تیزۍ غني کولای شي.

دا د ایران په يو ډيره محفوظه اټومي سيمه کې تازه پیښه ده.

په عين وخت کې ایران د ستونزو ښکار ایټمي لوظنامې په اړه له نړيوالو قوتونو سره په مزاکراتو هم بوخت دی.

د ایران د اټومي انرژۍ د ادارې ویاند بهروز کمالوندي ويلي چې دې پیښه کې نه څه ځاني زیان شوی او نه څه تابکاری خپره شوې .

کمالوندي یوازې دومره ویلي چې په نطنز اټومي ځای کې بجلی خرابه شوې ده.

تیر کال په نطنز اټومي ساحه کې اور لګېدلی وو د ایران حکومت د هغې پيښې په اړه ويلي ول چې دا د ایران د اټومي پروګرام ناکامه کولو هڅه وه.

د ځمکلاندې نطنز اټومي ځای د ایران د اورانیمو غني کولو پروګرام لپاره تر ټولو مهم بلل کېږي چې د ملګرو ملتونو د نړيوالې ایټمي څار ادارې معاينه کارانو ليدلی هم دی.

د قرغیزستان ولس د نوي ایین منظورولو لپاره نن رایې اچوي

دا ټولپوښتنه د ولسمشر، صدر جپاروف تر ټاکل کېدو درې مياشتې وروسته کېږي.

د قرغیزستان خلک به د اپرېل پ ۱۱مه یوولسمه د هغه نوي ایین د تاييد لپاره رايې اچوي چې د ولسمشر واکونه پراخوي او د پارليمان اختیار کمزوری کوي.

دا ټولپوښتنه د ولسمشر، صدر جپاروف تر ټاکل کېدو درې مياشتې وروسته کېږي.

د ۲۰۲۰ کال په اکتوبرکې تېر ولسمشر له دې امله استعفا ورکړه چې په پارليماني ټاکنو کې د درغليوو له راپورونو وروسته خلکو سختې مظاهرې وکړي.

بیا په جنورۍ کې شوو انتخاباتو کې جپاروف د ولسمشر په توګه وټاکل شو.

ځينو پر جپاروف تنقيد کړی چې د يو امرانه نظام جوړولو لپاره يې نوی ايين رامخته کړی خو نوموړي ازادې اروپا رېډيو سره په مرکه کې ويلي وو چې د حالاتو سمولو لپاره په قانون کې بدلون ضروري دی.

په برما کې امنيتي ځواکونو ۸۰ مظاهره چيان وژلي

د بشري حقونو د څارنې يوې ځايي ادارې، د سیاسي بنديانو د مرستې اتحادیه وايي دا کسان په باګو ښار کې د اپرېل په نهمه وژل شوي دي.

په برما کې امنيتي ځواکونو ۸۰ نور جمهوريت پلوه مظاهره چيان وژلي دي.

د بشري حقونو د څارنې يوې ځايي ادارې، د سیاسي بنديانو د مرستې اتحادیه وايي دا کسان په باګو ښار کې د اپرېل په نهمه وژل شوي دي.

د دې ادارې په خبره پوځ د فرورۍ له لومړۍ نېټې څخه تر اوسه ۷۰۱ جمهوري غوښتونکي مظاهره چيان وژلي دي.

په برما کې پوځ د فرورۍ پر لومړۍ نېټه کودتا وکړه او د آن سان سوچي په مشرۍ حکومت لرې کولو سره يې واک واخیست چې له امله يې خلکو مظاهرې پېل کړي.

افغان چارواکي وايي، په کابل کې یې د داعش ډلې مهم غړی نیولی دی

غلام ناصر الخراساني

د افغانستان د ولسمشر لومړي مرستیال دفتر وايي‌ چې د ملي امنیت ځواکونو لخوا په پلازمېنه کابل کې د داعش ډلې ځايي مشر نیول شوی دی.

د امرالله صالح دفتر د اپرېل پر ۱۰مه په یوه خبرپاڼه کې ویلي چې غلام ناصر الخراساني په کابل ښار کې په لسګونه ترهګرو بریدونو، وژنو او تښتونو کې لاس درلود.

په خبرپاڼه کې نوموړی د داعشي طالبانو د ډلې مشر بلل شوی دی.

د خبرپاڼې له مخې الخراساني د کابل له لویدیځ څخه د یوه ۱۴ کلن هلک په تښتولو کې هم لاس درلود.

داعش وسله والې ډلې تر اوسه په دې اړه څه نه دې ويلي.

د یونان په پلازمېنه کې مشهور ځايي خبریال وژل شوی

پولیس او ځايي رسنۍ وايي چې پرون ( د اپرېل پر نهمه) پر موټر سایکل سپرو دوو کسانو په دغه خبریال په الېموس سیسمه کې د هغه د کور مخې ته ډزې وکړې او ویې واژه.

د یونان په مرکز اتنز کې د اپرېل پر نهمه یو پېژندل شوی ځايي خبریال پر ډزو ووژل شو.

په یونان غوندې یو هیواد کې چې د اروپايي ټولنې غړیتوب لري، دا د خپل نوعیت یوه نااشنا پېښه ده.

یارغوش کارای واز چې د جنايي پېښو (یا کرایم رېپورټېنګ) یې کاوه د سټار په نوم تلویزون سره یې کارکولو او یو خبري بلاګ یې هم چلاوه.

پولیس او ځايي رسنۍ وايي چې پرون ( د اپرېل پر نهمه) پر موټر سایکل سپرو دوو کسانو په دغه خبریال په الېموس سیسمه کې د هغه د کور مخې ته ډزې وکړې او ویې واژه.

تر اوسه دا خبره نه ده سپینه شوې چې د دغه یوناني خبریال د وژنې محرکات څه وو؟

د یونان د حکومت ویاندې ارېسټو ټلیا پیلوني په یو بیان کې ویلي، د وژنې دې پېښې هغوی ټول لړزولي دي. هغې ویلي د پېښې پلټنه روانه ده او وژونکي به زر ونیول شي.

د اروپايي ټولنې کمېشنرې اورسولا وان ډر لیین هم دا پېښه غندلې او ویلي یې دي چې اروپا د بیان د ازادۍ طرفداره ده او د هغوی لپاره د بیان ازادي تر ټولو مقدسه ده.

په ویانا کې د ایران د اټومي پروګرام په اړه خبرې ګټورې وې: ګډونوال

راتلونکې اوونۍ به یو وارې بیا په همدې موضوع د خبرو د دوام لپاره ټولې خواوې سره راټولېږي.

د اسټریا په مرکز ویانا کې د ایران د اټومي پروګرام د تړون د بیا کتنې لپاره څلور ورځنۍ خبرې پرون په داسې حال کې پای ته ورسېدې چې پکې ګډون کوونکي سفارتکاران وايي، خبرې ګټورې وې.

راتلونکې اوونۍ به یو وارې بیا په همدې موضوع د خبرو د دوام لپاره ټولې خواوې سره راټولېږي.

د اروپايي ټولنې په کوربتوب دا خبرې پر دې متمرکزې دي چې د امریکا او ایران ترمنځ کړکېچ ته د پای ټکی کېښودل شي او دواړه هیوادونه یو وارې بیا د ۲۰۱۵ کال د جوهري تړون منلو ته اماده کړل شي.

امریکا په ۲۰۱۸ کال کې له دې تړونه وتې وه او پر ایران یې بندیزونه لګولي ول خو اوسني ولسمشر جوبایډن یو وارې بیا د ایران سره شوي جوهري تړون ته د ستنېدو په اړه خپله رضامندي ښودلې ده.

د ناروې وزیراعظمه د کورونا مخنیوي لارښوونو پر نه عملي کولو جرمانه شوې

وزیر اعظمې ارنا سولبرګ منلي دي چې د دې دستورې برابرولو نه مخکې يې په دقيقه توګه د ټولنيزې فاصلې ساتلو قوانين نه وو لوستي.

د ناروې وزیر اعظمه ارنا سولبرګ د کورونا وایرس ناروغۍ مخنیوي لپاره له لګول شویو محدويتونو د سرغړونې په تور جرمانه شوې ده.

دا په داسې حال کې ده چې ارنا سولبرګ د خپلې کالیزې د ورځې داسې غونډه جوړه کړې وه چې د چارواکو په خبره پکې د ټولنيزې فاصلې خیال نه وو ساتل شوی.

د پوليسو مشر اولي سيوروډ د اپريل په نهمه وويل چې وزیراعظمه ارنا سولبرګ د خپلې کورنۍ سره په هغه پریکړه کې شامله وه چې په کوم ريسټورنټ کې به په کوم ميز څومره میلمانه د خوړو لپاره بلل کيږي.

پولیس وايي وزير اعظمه يې ۲۳۵۲ امریکايي ډالره جرمانه کړې ده.

د پولیسو مشر اولي په وزیر اعظمې د جرمانې د دفاع کولو پر مهال وويل چې قانون د هر چا لپاره يو دی خو د قانون پر مخکې هر څوک برابر نه دي.

ده ویلي چې دا جرمانه ځکه هم سم کار دی چې د کورونا له کبله په را پیدا شوي حالت کې د ټولنيزو محدويتونو عملي کولو پر مخکې د ولس اعتماد په کلکه بحال کړي.

بلخوا وزیر اعظمې ارنا سولبرګ منلي دي چې د دې دستورې برابرولو نه مخکې يې په دقيقه توګه د ټولنيزې فاصلې ساتلو قوانين نه وو لوستي.

نوموړې له سرکاري ټيلي ويژن اين آر کې سره په خبرو کې ویلي چې، "زه او یا نور چې هره ورځ ولس ته د کورونا وايرس د مخنيوي په لړ کې خبرې کوو نو لازمه ده چې موږ ته د دې قوانينو له هر چا زیات مالومات وي."

په ناروې کې د کورونا له کبله د محدويتونو پر مهال له کوره بهر یوازې د لسو کسانو راغونډيدو اجازت دی خو ارنا سولبرګ په دغه غونډه کې ۱۳ ميلمنو ته بلنه ورکړل شوې وه.

اذربایجان له ترکیې سره ګډ دوه ورځني پوځي مشقونه پیل کړي

دا پوځي مشقونه چې د اپرېل پر اتمه اعلان شول، نيږدې پنځه میاشتې وروسته له هغه پیلېږي چې اذربایجان له ارمينيا سره د ناګورنو قره باغ لانجمنې سیمې پر سر په لنډه جګړه کې بريا ترلاسه کړه.

اذري چارواکو ویلي چې د دې مشقونو هدف د دواړو هېوادونو د وسله والو ځواکونو ترمنځ د تماسونو پیاوړي کول دي.

دا پوځي مشقونه چې د اپرېل پر اتمه اعلان شول، نيږدې پنځه میاشتې وروسته له هغه پیلېږي چې اذربایجان له ارمينيا سره د ناګورنو قره باغ لانجمنې سیمې پر سر په لنډه جګړه کې بريا ترلاسه کړه.

په دې جګړه کې تر شپږ زره زیات کسان ووژل شول چې بالاخره روسيې هم خپل شاوخوا دوه زره سوله ساتې ځواکونه هلته ځای پر ځای کړل.

دا غرييزه سيمه په نړيواله توګه د اذربايجان برخه تسليم شوې خو د ۱۹۹۰مې لسيزې له لومړيو کلونو راهیسې يې کنټرول د ارمني نژاده ځواکونو په لاس کې دی.

د اذربایجان دفاع وزارت په یوه بیان کې ویلي چې د دې پوځي مشقونو هدف د پوځيانو د پرېکړې کولو پر وړتيا لوړولو سربېره د عملياتو د څانګې د قوماندانانو د نوښت او اداري وړتیاوو لوړول دي.

ترکیې د دې پوځي مشقونو په اړه څه نه دې ويلي.

د امريکا ولسمشر جو بايډن په هېواد کې د وسلو قابو کولو نوي اقدامات اعلان کړي

ولسمشر جو بایډن د اپرېل پر اتمه په سپينه ماڼۍ کې د مرستیالې ولسمشرې کاملا هېریس او لوی څارنوال مېریک ګارلېنډ په موجودګۍ کې د وسلو تشدد ولسي روغتيايي کړکېچ وباله.

د امريکا ولسمشر جو بايډن په هېواد کې د وسلو د کنټرول لپاره نوي اقدمات اعلان کړي دي.

نوموړي د اپرېل پر اتمه په سپينه ماڼۍ کې د مرستیالې ولسمشرې کاملا هېریس او لوی څارنوال مېریک ګارلېنډ په موجودګۍ کې د وسلو تشدد ولسي روغتيايي کړکېچ وباله.

ده زیاته کړه، "موږ نن د وسلو د کړکېچ د مخنيوي لپاره اقدامات کوو چې دا په اصل کې ولسي روغتيايي کړکېچ دی."

ولسمشر بايډن چې د ډیموکرات ګوند د غړي په توګه پر وسلو د محدودیت د ملاتړ پخوانۍ سابقه لري، دا اعلان د سپينې ماڼۍ په روز ګارډن کې جوړې شوې هغې غونډې ته د وينا پر مهال وکړ چې د وسلو د تشدد د يوشمېر قربانيانو خپلوان هم پکې موجود ول.

هغه زياته کړه چې "د خدای په خاطر دا يوه ساري ناروغي ده او بايد مخه يې ونيول شي".

په امريکا کې قانون ولس ته د سپکو وسلو "توپک او توپنچې" اخيستلو او په کور کې د اېښودلو اجازه ورکوي خو د دې وسلو د استعمال له کبله له لسيزو راهيسي په سکولونو او نورو ولسي ځايونو کې يوشمېر کسانو ته مرګ ژوبله اوښتې ده.

په دا وروستيو کې د امريکا په جنوبي کیرولاينا ايالت کې د ډزو په دا ډول يوه پېښه کې د يوه ډاکټر، د هغه د مېرمنې او دوو لمسيانو په ګډون پنځه کسان ووژل شول.

له دې وروسته تېره مياشت په کولاراډو او جورجيا ايالتونو کې په دوو دا ډول پېښو کې ۱۸ کسان ووژل شول.

په امریکا کې د وسلو کنټرول يوه لانجمنه مسله ده او يوشمېر امريکايان د وسلو کنټرول ته د خپل قانوني حق د سلبولو په سترګه ګوري.

امريکا پريوه پاکستاني وګړي او د هغه پر کمپنۍ بنديزونه ولګول

د امريکا ماليې وزارت وايي چې دوی ځينې داسې کسان يې هم قاچاق کړي چې هغوي ښايي د امريکا ملي امنيت ته ګواښ پېښ کړي.

د امريکا خزانې وزارت د اپرېل پر اوومه نېټه وويل چې پر يوه پاکستاني او د هغه پر کمپنۍ یې له دې امله بندېز لګولی چې په ناقانونه ډول یې له پاکستان او افغانستانه امريکا ته د خلکو په قاچاقولو کې مرسته کوله.

دې وزارت ويلي‌چې د عابد علي خان له خوا چېلدونکی، ټرانزنېشنل کريمينل ارګنایزېش يا ټي سي او داسې يو سازمان دی چې په پراخه کچه انساني قاچاق کوي او له دې لارې زياتې پیسې لاس ته راوړي.

دا سازما په پاکستان کې دی. وزارت وايي دې سازمان ځينې داسې کسان هم امريکا ته بيولي چې ښايي د امريکا ملي امنيت ته ګواښ پېښ کړي. د ماليې وزارت بيان زياتوي چې دغه سازمان لږ تر لږه له ۲۰۱۵ کال راهيسې د لاتيني امريکا له لارې د بهرنيوو وګړيو په قاچاقولو کې مرسته کړې ده.

د بیان ترمخه، د یوه سړي د قاچاقولو بيه اوسطا ۲۰ زره ډالره ده.

وزارت په امريکا کې د عابد علي تر څنګ د هغه د افغان سيکريټري، رېدي حسېن خان ګل او دوه پاکستاني وګړو شکيل کريم محمد او چوهدري اکرام وړايچ شتمنۍ هم کنګل کړې دي.

افغان ځواکونو د غیرمسوله وسله والو قوماندان علیپور قرارګاه نیولې

عبدالغني عليپور

افغان چارواکي وایي د میدان وردګ ولایت په بهسود ولسوالۍ کې یې د ځایي غیر مسوله وسله والو قوماندان عبدالغني عليپور قرارګاه نیولې ده.

د ۲۰۳ تندر قول اردو د پنځمي پلي لوا د رسنیو دفتر د اپرېل په اوومه ماښام مهال په یوه خبرپاڼه کې وويل چې د علیپور قرارګاه د امنیتي او دفاعي ځواکونو د ګډو عملیاتو په نتیجه کې نیول شوې ده.

دغو ځواکونو د اپرېل پر اوومه د بهسود ولسوالۍ په حصه اول کې په همدې هدف ځانګړي عملیات پیل کړي ول. په خبرپاڼه کې په دې اړه نور تفصيل نه دی ورکړل شوی.

قوماندان علیپور چې په شمشیر هم مشهور دی، شاوخوا درې اوونۍ دمخه منلې وه چې د ده وسله والو د میدان وردګ په بهسود ولسوالۍ کې د افغان پوځ يو هيلي کاپټر ويشتلی او غورځولی وو. په دې پېښه کې د څلورو پیلوټانو په ګډون ۹ تنه پوځيان وژل شوي ول.

نور پورته کړئ

ځانګړې پاڼې

له موږ سره اړیکي

XS
SM
MD
LG