خېبر پښتونخوا: په بلدیاتي ټاکنو کې د درغلیو پر ضد د سیاسي ګوندونو احتجاج
د خېبر پښتونخوا حکومت مخالف درې ګوندیز اتحاد په ټوله صوبه کې په بلدياتې انتخاباتو کې د درغليو پرضد احتجاجي مظاهرې کوي. په پېښور کې د مشال راډيو خبريال ترمخه د صوبې په بېلا بېلو ضلعو کې د عوامي نيشنل ګوند، پيپلز ګوند او جمعيت علما اسلام ف ډلې مشران احتجاجي مظاهرو کې شامل دي. بلخوا د صوبې واکمن تحريک انصاف ګوند د بلدياتي انتخاباتو کې د درغليو په هکله د اپوزشن ګوندونو تحفظات لري کولو لپاره پرون سېشنبه ټول ګونديزه غونډه رابللي وه، خو اپوزشن ډلو تري بايکاټ کړي وو.